日本京都紅葉21天自駕遊(2024) - Day 18 ( 京都市 )

Day 18 :  八坂神社/花見小路/祇園白川(朝遊) - 料理旅館花樂(京朝食) - 永觀堂(禪林寺) - 銀福(京料理鯡魚飯午餐) - 醍醐寺 - 大戶屋(晚餐)

Day 18 : 清晨把握時間就去八坂神社, 花見小路 和衹園白川一帶, 感受人流少又環境寧靜嘅古樸江戶風情, 跟住返酒店吃豐富美味嘅京朝食, 食飽就去京都賞楓名所永觀堂(禪林寺), 寺內一片火紅嘅世界, 最靚就梗係放生池嘅錦雲橋配合藍天白雲同環迴式楓葉庭園的水中倒映, 真係超靚超夢幻, 伊波呂楓樹嘅紅葉輪廓分明好有層次, 陽光照射下鮮豔奪目美不勝收. 中午去附近銀福(京料理), 呢間寫行程嗰陣時已經包咗落去, 佢嘅京都名物鯡魚飯煮得香淋入味, 加埋新鮮嘅山椒送飯真係好精彩, 蕎麥麵湯底清甜好味, 仲有嘅就係月待御膳，田舍煮同漬物真係食到食材嘅原味道, 一試難忘. 下午就去醍醐寺, 醍醐寺地方超大, 我哋只係揀咗下醍醐(伽藍町)地區遊覽, 寺內嘅景點成個紅葉森林咁, 國寶級嘅五重塔加埋紅葉仲有太陽逆光照射, 真係好有禪意. 另外最佳賞楓角度就是弁天堂與弁天池, 現時剛好被紅橙黃綠色嘅紅色森林包圍著, 仲有藍天白雲嘅倒映, 層次分明好似童話世界嘅浪漫祕境, 呢度地方大人少仲未有咁多人知, 當然會有和服少女拍寫真啦. 尾站就係入住我哋京都最後一間酒店京都四條Mystays, 位置係京都市中心區， 出入都好方便十零分鐘步程可以去到錦市場同鴨川一帶, 夜晚就揸車去錦市場附近兜一兜, 晚餐食咗大戶屋, 香港店同日本店餐牌有點不同, 食咗炭燒酒麴鯛魚同黑醋野菜煮雞超好味, 食飽就早啲返休息, 計劃聽日嘅行程, 開心美滿又夢幻正斗嘅一日紅葉之旅！

八坂神社石鳥居 - 朝早逛一逛神社和週邊一帶. 

南樓門 - 其實是八坂神社的正門.

八坂神社本殿 - 日本全國約有3,000多間八坂神社, 而位於京都的是總本社, 原本稱祇園神社, 後於1868年正式改名八坂神社, 而建築為具特色的祇園造, 指的是神殿及拜殿雖然分成兩棟, 但擁有同一個屋頂. 清早已有善信到來參拜.

舞殿 - 八坂神社舉辦祭典和各種奉納(獻祭)活動的地方.

西樓門 - 朱紅色門樣成為八坂神社的象徵, 清早已有專人打掃, 充滿禪意氛圍.

四條通是祇園的主要街道.

祇園商店街.

花見小路.

花見小路整條街以其傳統的京町家建築, 茶屋和料亭聞名, 在這裡可以感受藝妓文化與古街風情, 但部分區域禁止攝影需保持尊重, 清早寧靜小遊人, 與黃昏時熱鬧的情景真係有天淵之別.

祇園白川, 秋季期間白川沿岸會開滿紅葉, 搭配柳樹與日造建築物, 很像一幅畫.

新橋通到白川沿岸的祇園巽橋一帶地區被選定為傳統的建造物群保存地. 保存了往昔的街景, 是保留了最多古都京都風情的區域.

返回料理旅館花樂吃早餐. 

早餐餐廳環境優雅.

京朝食 - 今日同樣有九款優質的京漬物. 

清湯豆腐窩 - 豆香味超濃郁.

煎三式蛋卷 - 蛋卷香甜軟熟有汁.

燒三文魚 -  鮮香美味.

時令生果和香滑濃郁咖啡, 非常完美的京朝食.

早餐後到京都極富盛名的楓葉名所永觀堂(禪林寺), 永觀堂的正式名稱為"聖眾來迎山無量壽院禪林寺", 也常被簡稱為禪林寺, 每到秋季寺內的楓葉便將古老建築與池畔染成一片夢幻的火紅世界, 參觀費每人1,000円.

從中門進入永觀堂後, 順路參拜先到開山堂與多寶塔 - 座落在小山丘上的多寶塔是別具特色的建物, 居高臨下視野開揚, 整個京都市景盡入眼簾.

寺院與艷麗的紅葉同框, 精彩出眾.

賞楓時期, 約3,000棵大楓樹和伊波呂楓樹轉為火紅, 把寺內渲染成鮮艷的秋色.

紅橙黃綠色的紅葉地氈.

朝早天陰有雲無陽光, 先行室內具歷史感莊嚴堂宇的釋迦堂一帶, 包括鶴寿台, 古方丈, 釋迦堂, 開山堂和瑞紫殿等等. 配合非常燦爛盛放的秋季紅葉, 景色優美怡人.

室內建築以回廊相連, 來到御影堂, 古剎配紅橙黃綠色的紅葉, 同樣震撼.

來到阿彌陀堂開始有陽光, 可以出戶外拍攝.

陽光照射下紅葉還帶點金光, 色彩鮮明.

再到放生池逛一逛, 陽光普照下鶴寿台, 極樂橋和多寶塔的天空之鏡倒映, 與剛到來天陰有雲時真係天淵之別.

放生池內養殖一種源自江戶時代的觀賞魚(錦鯉), 其中紅白是錦鯉中最具權威與尊貴的品種, 襯托在池中的橙紅色楓葉, 構成一幅美麗圖畫.

極樂橋上拍攝弁天社與錦雲橋, 就是永觀堂最美麗的地方, 放生池周圍環繞迴廊式的楓樹庭園, 藍天白雲下能觀賞楓葉倒映在水面上的超夢幻景色.

弁天社與錦雲橋紅葉見頃, 染成一片夢幻的紅火景象.

阿彌陀堂前方火紅的一角, 吸引了不小和服少女前來打卡.

太太在見返り茶屋喝茶兼劃畫, 差不多已完成收的作品.

火紅的大楓樹和伊波呂楓樹, 紅葉輪廓分明很有層次感, 渲染成鮮艷的秋色, 永觀堂(禪林寺)不愧是京都首屈一指的紅葉勝地, 不枉此行.

遊覽完畢到鄰近的銀福(京都料理)吃午餐, 餐廳內為傳統榻榻米座席, 以鯡魚飯與鯡魚蕎麥麵為招牌料理.

名月定食(1,200円) - 名月蕎麥麵配迷你鯡魚飯.

i, 名月蕎麥麵, 湯底清爽微甜, 配料有蛋卷腐球和蟹棒肉, 正斗.   

ii, 鯡魚飯是京都名菜, 鯡魚用秘製醬汁慢燉煮得軟腍入味微甜, 入口即化無腥味, 米飯吸收了鯡魚醬汁很好吃, 新鮮山椒非常清香, 精釆美味.

月待御膳 (1,700円) - 多款京都田舍煮蔬菜, 漬物和鯡魚, 優質食材的原味道, 豐富又滋味.

下一站到醍醐寺遊覽, 醍醐寺建立於西元874年, 是一個超過1000年的寺院, 是古京都遺址(古都京都の文化財), 亦是世界遺產之一, 佔地很大, 分上醍醐, 下醍醐和三寶院, 時間所限, 今次祗遊覽下醍醐(伽藍町), 入口仁王門建築莊嚴宏偉, 參觀費每人600円.

醍醐寺雖然是京都賞楓景點, 祗有京都人知道, 所以人潮相對很小, 寺院境內被絢麗的紅葉染上絢麗多彩.

國寶級的金堂.

古色古香的五重塔, 被指定為日本國寶, 是日本傳統建築的典範.

千年古剎五重塔換上了一襲絢爛的紅衣如火如荼, 與古樸的寺廟建築相互輝映, 構成了一幅令人陶醉的秋日畫卷, 也營造出一種獨特的禪意氛圍.

藍天與紅橙黃綠色楓葉襯托下的不動堂和鍾樓, 古樸優雅.

和服寫真.

五大力士護摩道場.

最佳賞楓角度就是弁天堂與弁天池, 紅色的弁天堂座落在弁天池上, 周圍被一整片的紅葉給包圍, 紅色, 橙色, 黃色與黃綠色染上了樹梢, 與倒映在水面上樣子形成虛實之間的浪漫風景, 眼前彷彿是油畫世界, 層次分明, 美得不像話的紅葉秘境.

弁天堂的朱橋與紅葉的美景.

弁天池後方的無量寿苑, 小瀑布和水中紅葉也營造出一種獨特的禪意氛圍. 

太太坐在對岸完成了的水彩畫作品.

弁天池和服寫真.

回到仁王門離開, 太陽開始落山了. 

此時停車場祗剩下我們的一架車.

到京都四條酒店Mystays,  全自動化酒店停車場.

京都四條酒店Mystays位於京都市中心區, 步行至錦市場同鴨川一帶祗需拾零分鐘很方便, 房間寬敞舒適, 3晚住宿連早餐連稅收費53,790円, 另加停車場泊車費4,800円, 京都市泊車費真的很貴.

駕車到錦市場逛一逛, 最後選了在大戶屋吃晚餐, 原來日本的大戶屋與香港的不同,  主打的是中華料理, 性價比極高. 

炭燒沖目鯛酒麴醬油漬定食 1,490円 - 炭燒鯛魚皮脆肉嫩, 香濃好味, 配加大版的豚肉味噌湯, 滋味無敵.

黑酢野菜煮雞肉定食 1,160円 - 食材優質, 炒得香口惹味有鑊氣, 很美味. 

食飽後駕車返回酒店大覺瞓, 未有時間漫步錦市場, 明天再遊覽.