日本京都紅葉21天自駕遊(2024) - Day 21 ( 京都市/大阪市/香港 )

 Day 21 :  Mystays(自助早餐) - 伏見稻荷大社(千本鳥居)  - Lalaport三井Outlet門真 - 深廣(壽司午餐)  - Yaki Soba(鐵板炒麵) - 青木(鐵板和牛扒) -  關西國際空港 - San Marco Curry(咖哩豬扒飯晚餐)

Day 21 : 今日係京都旅程的最後一日, 夜晚就要返香港所以冇特別行程, 早餐後就去伏見稻荷大社, 主要係去行下聞名京都嘅景點千本鳥居, 在陽光透射下無窮無盡嘅朱紅色鳥居充滿靈氣嘅氛圍, 行過去時真係好震撼. 之後就去好近關西空港嘅Lalaport三井Outlet門真行下同食晏, 佢入面有個黑門市場的美食廣場, 喺深港食咗個壽司午餐都幾好味, 呢個Outlet好大我哋行咗好耐, 下午茶時間就到另外一邊的美食廣場, 食咗高質素嘅鐵板炒麵同埋鐵板和牛, 真係非常滋味. 到咗關西空港check-in後稍為逛一逛紀念品店就去美食廣場搵食, 食咗個超好味道嘅咖哩豬扒飯同埋牛肉烏冬, 食飽上機瞓一瞓就到香港, 咁就完成咗廿一日嘅京都紅葉自駕遊, 今次喺京都停留咗十日, 全部想去嘅寺院都去哂, 重欣賞埋夜楓真係夠哂皮, 莊嚴而充滿靈氣嘅京都寺院配見傾紅葉真係無敵嘅絕景, 是我的 Bucket List !

最後的酒店自助早餐, 豐富又好味, 有D唔捨得.

四條河原町, 早上人流較少.

今天要返香港, 所以祗有上午一個行程, 就是到伏見稻荷大社遊覽, 在外圍泊車後步行到神社, 途經JR稲荷駅. 

JR稲荷駅旁都有很多攝影提材.

上午已經人流暢旺.

 伏見稻荷大社是日本各地稻荷神社的總本宮, 已有1300多年的歷史, 不乏和服少女到來祈福, 免入場費.

伏見稻荷大社的正門樓門由戰國武將豐臣秀吉於1589年建造, 樓門是一種二層建築的門樓, 樓門前有一對象徵陰陽守護的狐狸雕像鎮守兩側, 右邊狐狸口銜著"玉珠", 左邊則叼著一把"鑰匙".

伏見稻荷大社有很多值得參觀的地方同時亦被指定為國家重要文化財的建築物.

朱紅色的鳥居如隧道般一字排開的千本鳥居, 以絕世美景而聞名亦是京都的代表景點, 鳥居入口也有一對狐狸造型的石雕像.

沿路向上步行.

行完一邊出口處有個迷你版千本鳥居.

千本鳥居營造出一種莊嚴且又充滿靈氣的氛圍, 一眼望不到盡頭的朱紅色鳥居令人歎為觀止.

在表参道的商店內買了一個達磨像(600円).

鐵板燒和牛串很吸引.

廣島燒.

連燒鵪鶉都有.

歷史悠久的総本家宝玉堂, 即場製作的手工狐狸煎餅(Inari煎餅)いなり煎餅, 是這裡的稻荷名物.

遊覽完伏見稻荷大社, 步行回停車場, 途經美麗於的川流. 

離開伏見稻荷大社, 駕車40分鐘車程到大阪市的Lalaport三井Outlet門真逛一逛, 呢度去關西國際空港祗需30分鐘車程, 可以慢慢行.

Lalaport三井Outlet門真內有黑門市場的店舖.

揀了在1905年創業的深廣吃壽司午餐.

壽司拼盤(1,518円) - 有中拖羅同三文魚子, 刺身新鮮味美, 性價比超高.

蟹肉蟹膏手卷(366円) - 開放式手卷, 蟹膏鹹香蟹肉鮮甜, 好味道.

鮟鱇魚肝(528円) - 季節限定, 入口軟糯甘香, 正斗.

跟住與太太各自到四週逐一逛, 她在文具店買了一個筆袋(1,595円). 

商場內有很多大型動漫電玩店.

商場天台的休憩處.

下午茶時間到另一美食廣場逛逛, 在Yaki Soba買了一份鐵板豚肉炒麵(899円), 香口惹味高水準. 

在青木牛扒店發現乾式熟成和牛大減價, 當然唔會錯過.

鐵板和牛扒(3.498円) - 入口軟熟甘香肉味濃, 質優味美, 人間滋味.

最後駕車30分鐘到達關西國際空港的Orix Rent A Car 還車, 租了20日車行咗2,300公里, 油費平均HK$0.62/公里的確係慳油.

在關西國際空港內逛一逛, 上機前又要充充電, 在San Marco Curry買了日式咖哩豬扒菠菜飯(1,500円), 辛香微甜嘅咖哩汁配外脆內軟肉味濃的豬扒, 超級滋味. 

在美食廣場買了牛肉烏冬五目蒸飯定食(1,160円), 真豐富, 吃飽飽上機睡一睡就到香港.  

京都戰利品