釜山3天自由遊2011 (Day 1)

今個復活節4日假期, 揀左再去韓國斧山hea吓. 零晨機去晚機返晚玩足3日, 返黎仲有1日休息. 之前去過斧山嘅札嘎其市場食左隻2.5kgs嘅亞拉斯加大蟹, 滋味無窮又平靚正, 今次一定要再去回味一番. 入住嘅酒店揀左喺海雲台, 風景靚絕, 又長又大嘅沙灘同180度無敵大海景盡入眼廉, 仲有露天溫泉真係正到痺. 今次食左好多韓國地道食物同海產, 雖然韓環滙率比2年前高左廿幾個巴仙, HK$1=W$135, 但計落都算平靚正.