日本京都紅葉21天自駕遊(2024) - Day 10 (海の京都-舞鶴港)

Day 10 :  與謝莊舟屋 WATER FRONT INN Yosasou(日式早餐) - 舞鶴港道の駅 - 舞鶴港海鮮市場(海鮮午餐)  - 舞鶴港 - 吉野家(晚餐)

Day 10 : 今日行程主要係享受朝頭早寧靜嘅伊根町, 因為知道十點後就會天陰有雨, 我哋都冇特別安排行程, 只係去舞鶴港海鮮市場食晏, 跟住兜下舞鶴港之後就到酒店. 今朝與謝莊嘅日式早餐同昨晚晚餐一樣精彩好味, 中午喺舞鶴港海鮮市場揀到一隻特上嘅活松仔葉蟹兩食, 真係鮮甜到飛起, 仲食到甘香軟糯嘅海膽丼, 燒帆立貝同螺肉,  真係好食到冇朋友, 夜晚大雨就喺酒店附近嘅吉野家食燒牛丼同埋壽喜燒, 佢地嘅食材同出品都比香港店好食好多, 好彩今日取消咗天橋立酒店同BBQ晚餐, 因為太早天黑同埋落雨應該冇乜嘢去玩. 今晚瞓覺途中突然感受到地震搖晃約2秒鐘, 好彩再冇餘震, 如果唔係就有排驚, 期待明天開始正式踏足京都嵐山嘅紅葉之旅.

與謝莊舟屋 - 朝早起身第一時間往窗外欣賞伊根灣朝霞.

清早在伊根町散策.

返回酒店吃早餐, 餐廳窗外對正舟屋群, 景色怡人.

日式早餐 - 好味又健康, 咁靚嘅環境下, 嘆埋杯咖啡可以hea多一陣先Check out.

已預知今日下午天陰有雨, 所以冇特別安排行程, 駕車1小時到達第一站舞鶴港道の駅, 在也紀念品店買了一張印刷精緻的紅魚卡(157円).

跟住到旁邊的舞鶴港海鮮市場.

舞鶴港海鮮市場是京都府內最大漁獲量的市場, 作為京都最大的水產基地而為人熟知, 在舞鶴的海鮮市場也是近乎於產地價格,現場點餐後即時現場烹調.

在岡田鮮魚店買了海膽丼(2,400円), 超級豐厚嘅海膽, 入口甘香鮮味, 正斗.

在吉本水產買了一隻新鮮特上松葉蟹兩食(22,000円).

特上松葉蟹腳刺身 - 鮮甜軟滑, 肉質細緻, 無敵滋味.

燒特上松葉蟹身蟹腳 - 蟹腳香甜細嫩, 蟹身肉厚鮮甜, 蟹膏甘香軟糯, 鮮味無比, 人間極品.

在魚たつ 買了燒帆立貝拼螺肉(1,300円), 燒帆立香鮮甜, 螺肉爽彈, 唯調味略鹹.

在岡田鮮魚店買了野菜蕎麥麵(540円), 清新好味又健康.

限住兜去舞鶴港, 是一個軍用港口, 可以近距離欣賞艦艇, 停車場旁邊有個商場, 但無麥野行, 匆匆走人.

到舞鶴市酒店時開始下著大雨, Hotel Route Inn Kyoto Maizuru(Nishi Maizuru Ekimae)ホテルルートイン京都舞鶴(西舞鶴駅前) 房間簡潔, 地點就在JR駅前, 揾食很方便, 1晚連早餐及泊車收費19,800円. 本入住アクアヴィレッジ 京都天橋立連BBQ晚餐, 到達日本後才發現好早天黑, 同時也預測今天天氣不好, 所以改訂了這間, 真幸運.

下著雨揾食, 看見很親切的吉野家招牌, 入內吃晚餐.

燒牛丼 (641円) + 麵豉湯(290円) + 煮野菜(110円) - 食材出品比香港好得多, 豐富又好味.

壽喜燒(877円) - 性價比高, 很滋味. 

食完返酒店大覺瞓, 瞓覺途中突然感受到地震搖晃約2秒鐘, 好彩再冇餘震, 如果唔係就有排驚, 期待明天開始正式踏足京都嵐山嘅紅葉之旅.