日本京都紅葉21天自駕遊(2024) - Day 5 (廣島縣)

Day 5 : 廣島穎特飯店(自助早餐) - Chikara(拉麵午餐) - 大和博物館 - 吳市海上自衛隊潜水艦基地隊 - 吳中通商店街 - 廣島穎特飯店(黃昏下午茶) - 桂林中國料理(晚餐) - 廣島穎特飯店(茶漬飯宵夜)

Day 5 : 今日原定係去宮島行嚴島神社, 但係因為太太牙肉腫到食唔到野, 所以決定喺廣島住多一日(休息多一天), 睇情況再決定明天回港或繼續行程. 今日下午食完拉麵後太太便回酒店用消炎止痛藥和休息, 我就一個人揸車去行下吳市大和博物館同埋海上自衛隊潜水艦基地隊, 行完便匆匆返酒店會合太太, 下午茶時段喺酒店餐廳睇下日落同黃昏, Magic hour相當優美, 夜晚去附近嘅桂林中國料理食嘢, 可惜味道一般, 好彩最後在酒店宵夜時段食番碗超好味嘅明太子鰻魚茶漬飯補番數, 完成了一天行程.

酒店自助早餐好多野食, 仲有擔擔麵, 可惜今早太太牙肉腫無胃口, 要到對面Wants藥妝店買消炎止痛藥.

跟住到本通商店街逛一逛, 對面有條啤酒街, 街風內全是飲酒的夜店.

今早的本通商店街已回復平常, 完全沒有胡子大祭的痕跡.

天然鯛燒原來是鯛魚型的豆沙餅.

JUMP Shop - 動漫迷的天堂.

廣島市獨有的廣島燒渠蓋, 彩色繽紛.

在本通商店街後街內的Chikara吃拉麵.

小店經營.

中華豚肉玉子拉麵(1,100円) - 叉燒軟腍溫泉蛋滑溜, 牙肉腫都可以食.

中華豚肉牛肉拉麵(1,100円)配壽司(120円) - 豐富又滋味.

太太回酒店休息, 我獨自駕車35分鐘到吳市的大和博物館遊覽.

 艦橋展望台 - 以大和號戰艦的艦橋作涼亭.

陸奧號戰艦在大和級戰艦服役前是日本海軍最強大的戰艦, 大和博物館門前展示了陸奧號戰艦的主砲身和主錨.

海神像 - 波塞冬是希臘神話中有為數眾多"掌管大海的神祇".

大和博物館(吳市海事歷史科學館) - 入埸費每人500円, 館內介紹吳市的歷史與造船, 煉鋼等科學技術, 並展示珍貴的實物資料及1:10大小的大和號戰艦模型.

秋潮號潛水艇 - 是日本海上自衛隊退役的柴油電力潛艇, 屬於汐潮級.

日本戰鬥機 - 第二次世界大戰的真實遺物, 零式艦上戰鬥機62 型.

下一站到附近吳市的海上自衛隊潜水艦基地隊.

港口停泊了多艘潜水艦及戰艦.

海上自衛隊員在潜水艦間行走.

跟住到吳中通商店街, 車輛可停在Wants藥妝店停車場內40分鐘.

行下吳市中央公園 - 紅葉開始有啲睇頭.

吳中通商店街.

最後返回廣島穎特飯店, 正好是自助下午茶時段, 黃昏時間有"雲鷹嚼日"的畫面.

日落鹹蛋黃.

黃昏時段的Magic Hour, 景色優美.

跟住步行到附近揾野食, 揀了在桂林中國料理吃晚餐.

中華炒飯(780円) - 茄汁煎蛋配炒飯, 味道一般.

麻婆豆腐飯(780円) - 味道濃郁仲有點鹹. 

中華煎餃子(600円) - 煎得好香好味道.

返回廣島穎特飯店, 宵夜時段有自助茶漬飯供應, 真開心.

明太子鰻魚茶漬飯 - 自選配料, 豐富又美味.

返回房間太太要用消炎止痛藥.