日本京都紅葉21天自駕遊(2024) - Day 7 (兵庫縣姬路市)

 Day 7 : 廣島穎特飯店(自助早餐) - 好古園 - 日本軽食小店(午餐) - 姫路城 - 姬路地下街GRAND FESTA商場 - 城見台公園 - 姫路駅前商店街 - 餃子の王將(晚餐) - 姬路城夜景 - 姫路駅北交流廣場(街頭藝術演出)

Day 7 :今日由廣島縣揸三小時車去兵庫縣, 全日時間都係遊覽世界文化遺產姬路城一帶, 好古園嘅日式庭園配合秋天紅葉真係充滿自然氣息, 環境優美,  姬路市嘅地標姬路城以木製建築好靚好宏偉, 喺姬路市無論去到邊度都一定見到姬路城, 所以我地有好多唔同角度嘅相片分別拍攝姬路城日與夜的秋季景色. 住喺JR姬路站旁的酒店JR CLEMENT INN HIMEJI 夜晚出去買嘢同食嘢真係好方便, 仲可以影埋姬路城車軌嘅夜景,  姬路站前嘅交流廣場今日仲有街頭藝術表演, 相當精彩, 開心滿足的一天。

自助早餐 - 豐富滋味, 今日仲有氣泡酒供應.

酒店提供很多廣島市和嚴島神社的旅遊資訊, 非常實用.

早餐後Check-out酒店, 跟住由廣島縣駕車到兵庫縣嘅姬路城(車程3小時), 約1小時後經過福山市的PAVARIE 福山SA休息站, 入內逛一逛稍作休息.

2小時後終於到達姬路城旁的好古園, 建議可購買「姫路城・好古園共通券」, 每人收費1,050円.

原先腍住到活水軒餐廳吃午餐, 但全店滿座, 唯有攞飛輪候.

庭園內已經有開得非常燦爛嘅紅葉.

潮音斎 - 充滿自然氣息.

御屋敷之庭 - 姬路城西御屋敷跡庭園花園好古園, 是於1992年開放, 以世界文化遺產姬路城為背景的池塘回遊式日本庭園. 

流れの平庭 - 可沿小石徑穿梭於庭園間.

築山池泉の庭 - 體驗江戶時代風情, 是日本古裝劇等電影和連續劇的拍攝取景地點, 加埋秋天紅葉嘅景色的確係美不勝收.

行完好古園都仲未可以到活水軒用餐, 轉場去第二度揾食, 黎到大手門駐車場旁的商場內揾到一間日本軽食小店.

餐牌向有英日文加圖片對照, 非常友好.

牛肉烏冬(880円) - 簡單又好味.

咖哩豬扒飯(1,100円) - 香脆肉嫩嘅吉列豬扒配香濃咖哩汁, 送飯超無敵.

食飽就去行世界文化遺產姫路城, 姫路城是日本三大名城之一,  作為木造建築的最出色傑作之一, 在世界上都享有盛譽, 我們從大手門進入.

三の丸広場 - 可觀賞姫路城全景.

沿姬路公園步行上姫路城.

菱の門 -  是姬路城中最大的城門, 被指定為重要文化財產.曾經作為抵禦外敵入侵的防禦基地發揮重要作用, 大門採用不規側的「枡形虎口」設計, 僅在城門左側有一道石牆.

三国堀跡 - 可拍攝姬路城天空之鏡的倒影.

沿路行上天守閣.

備前丸 - 姬路城外觀宛如白鷺展開雙翅的優美姿態，因此也被稱作「白鷺城」. 潔白的城牆, 獨具特色的唐破風屋簷, 五層七階的華麗大天守以及坐鎮東・西・西北方的三座小天守皆為姬路城的魅力特點.

參觀完畢離開姬路公園.

沿櫻門橋行出護城河, 剛好有姫路藩和船(護城河環遊乘船體驗)經過.

外國人穿和服十分有趣.

跟住步行到姬路地下街GRAND FESTA商場, 到Egret Himeji Observation Deck 4樓展望台可以遠眺姬路城, 配合初秋紅黃綠葉的境致, 非常優美, 太太也趁機劃了一幅作品.

再到城見台公園遊覽, 鯱瓦雕像與姬路城同框的畫面猶如一幅鑲入鏡框的風景畫，是拍照打卡的熱門景點.

姬路城此時的銀杏也很盛放.

姬路護國神社, 剛才有日本人在此舉行婚禮.

大手前公園 - 今日星期六有慶祝節目, 非常熱鬧, 黃昏時分的姬路城也更加美麗.

到JR姬路站旁的酒店JR CLEMENT INN HIMEJI check-in, 位於市中心地點超方便, 1晚住宿連早餐及停車場費用19,200円.

酒店餐廳有自助酒吧提供多款飲品.

行下姫路駅前商店街一帶揾野食, 不過無麥靈感.

 回到姫路駅東口, 揀了這家餃子の王將吃晚餐.

豬肉炒野菜配炒飯(833円) - 惹味夠鑊氣, 好味道.

餃子の王將定食(1,375円) - 牛肉包, 煎餃子, 天津飯, 叉燒拉麵, 豐富大滿足.

到JR姬路站的二樓觀景平台Castle View 展望台( キャッスルビュー) - 可以拍攝姬路城夜景, 聖誕燈飾佈置加埋車軌就更有可觀性.

姫路駅北にぎわい交流広場 - 廣場旁是一個大型的綜合商場, 亦有Piole姬路百貨公司.

廣場今晚有街頭藝術演出, 氣球表演相當精釆.

太太今晚要繼續使用牙肉消炎止痛膏.