日本京都紅葉21天自駕遊(2024) - Day 8 (京都天橋立)

Day 8 :  JR CLEMENT INN HIMEJI(自助早餐) - 道の駅海の京都宮津  - 山海屋(海鮮丼午餐) - 智恩寺 - 天橋立廻旋橋 - 丹後由良(京都丹後鐵道海上列車)  - 天橋立View Land - Mercure Kyoto Miyazu Resort & Spa(自助晚餐)

Day 8 : 今日行程由姬路城去到海の京都天橋立,  先到天橋立會90度旋轉嘅迴旋橋十分有趣, 因為天陰所以中途轉去丹後由良影下京都丹後鐵道, 彷如電影千與千尋的海上列車,  更遇上特別觀光列車真係很開心, 天橋立嘅風景真係好靚, 彎腰跨下看飛龍觀的確很特別, 最後居然喺山上面見到彩虹, 天橋立加彩虹嘅情景真係無敵嘅小確幸. 今日喺宮津市食到海鮮丼, 非常新鮮又好味, 夜晚酒店嘅自助餐雖然好多嘢食好豐富, 美中不足是客人太多, 攞嘢食嗰陣時都有啲混亂, 滿意嘅一天旅程.

朝早的大手前通り很寧靜.

姬路市招牌打卡位, 日出陽光剛剛照到金黃色的姬路城.

返回酒店JR CLEMENT INN HIMEJI, 吃自助早餐, 豐富又好味.

行車2小時, 由兵庫縣到京都宮津市的道の駅海の京都宮津, 先到観光案内所攞資料. 

道の駅海の京都宮津是一間小小的農家店,  有齊蔬菜, 手工製品, 海鮮, 乾貨, 肉類, 熟食, 甚至甜點.

跟住行到對面的Mipple商場逛一逛.

最後到山海屋吃午餐.

餐廳環境寬敞, 餐牌圖文並茂, 自助落單很方便.

海鮮丼定食(1,320円) - 海の京都宮津的必食名物, 多款海鮮夠新鮮, 鮮甜味美, 性價比極高.

天婦羅烏冬定食(1,210円) - 天婦羅香脆好味, 茶碗蒸香甜滑溜, 配有味飯仲有湯烏冬, 非常豐富大滿足. 

午餐後到宮津市主要景點天橋立, 先到智恩寺, 寺內居然有新鮮松茸賣.

文殊堂 -  智恩寺是日本三文殊寺院之一，供奉的是掌管智慧的文殊菩薩，差不多等同我們的"文昌帝君". 所以來到這裡參拜 都是求學業為主.

海の京都天橋立 - 可以乘搭觀光船遊覽.

沿廻旋橋步行到天橋立小天橋広場, 然後出海灘逛一逛.

迴旋橋 - 當有大型船衹要通過時, 迴旋橋就會旋轉90度讓船通過, 平時大約每一個小時旋轉一次.

迴旋橋旁邊已經有紅葉.

逛一逛周邊的土特產商店.

人面蝦片很有趣.

天橋立溫泉智惠之湯 - 位於天橋立駅的旁邊, 是個公共露天溫泉浴池體驗地.

天橋立JR駅

時間尚早, 揸車前往丹後由良, 在Lawson便利店泊車.

丹後由良主要景點, 是京都丹後鐵道經過由良川橋時, 彷似電影千與千尋乘坐的海上列車, 遇上特別觀光列車就更加難得.

臨走時更遇見小彩霞, 超開心.

跟住返回天橋立繼續遊覽, 天橋立View Land 座落於文珠山山頂, 要乘搭纜車來回, 收費每人850円.

搭乘纜車一路向上可以拍到很多風景漂亮的照片.

文珠山山頂飽覽天橋立全景.

日本百景之一海の京都天橋立的意思是指"天堂之橋", 因為從沙洲兩旁的山上俯瞰時, 就如同連接天堂與人間的通道. 狹長的沙洲在最窄處僅有20 公尺寬, 沙洲的大部分面積都種滿了松樹.

在這裡彎腰從跨下窺看到的天橋立, 彷如飛舞上天的神龍一般, 所以有「飛龍觀」之稱.

遠眺宮津灣, 亦可見到天橋立另一景點"天橋立傘松公園".

竟然在天橋立View Land看見彩虹, 小確幸.

 

盡興之後坐吊椅落山.

到溫泉酒店Mercure Kyoto Miyazu Resort & Spa check-in, 房間超大, 一泊兩食連停車場收費23,700円, 性價比極高.

自助晚餐 - 超多野食勁豐富, 不過也勁多人, 攞食物時有點混亂.