2011年2月4日 星期五

神戶淡路島4天自駕遊(2011) - Day 2

Day 2  鳴門海峽渦の道, 淡路南部(福良港),西海岸(慶野松原)





 第二朝一早7:00起身睇日出, 鹹蛋黃喺水平線慢慢上升, 好有美感.





睇完日出就去第3個大浴場浸吓, 浸完泉返房間等8:00食早餐, 有專人黎開檔同先泡茶比我地飲住黎等, 原來粒梅入口初時軟綿微酸甜, 之後就勁酸, 搭完成個人醒晒, 真有趣.





超豐富嘅泉朝食, 全部選用淡路農產物黎做, 地產地消, 見到個setting已經好開心.




朝食 - 燒魚同玉子燒再加昆布漬物.






 朝食 - 燒魚餅同魷魚剌身.





  朝食 - 地道嘅鱧魚苗干.




    朝食 - 涼伴淡路茄子, 清爽.





朝食 - 淡路洋蔥沙律, 的確好清甜.






朝食 - 湯豆腐, 香滑豆味濃.






朝食 - 米飯同牛乳都係淡路島出品, 3.6牛乳零舍奶味濃郁同夠香滑.






食完早餐整裝出發, 最後行埋小賣部.



 

第一站先過鳴門大橋到德島縣, 行渦の道(¥5,600套票).






瀨戶內海一望無際.






漁夫用小船在小旋渦邊釣魚, 收穫豐富.






今日大潮時間係13:20, 所以依家旋渦並非好大.






行完渦の道再到お茶園展望台, 係睇鳴門大橋嘅最佳地點, 可惜今日有D大霧.




跟住去觀潮船碼頭坐船出海近距離睇旋渦, 隻觀潮船好新淨.





近距離睇旋渦, 好震撼呀. 好在我地揀坐大船, 可以靠近旋渦同時船身都冇咁搖擺.





今日午餐指定要食鯛魚素麵, 雜誌上說明衹有ヤぷ萬旅館內嘅餐廳才有午餐供應, 於是向福良港出發.





到達ヤぷ萬旅館溝通左一輪先OK. 要等半個鍾, 原來佢地要特別開一間房比我地食午餐, 真係一絲不苟. 鳴門鯛魚素麵會席料理(¥13,341)前菜排場已經好豐富.





先付 - 魚皮沙律, 野菌牛肉煮, 希靈魚子, 係配熱清酒嘅佳品.






前菜 - 磯煮鮑魚 + 昆布魚卷, 鮮味同口感都無懈可擊, 一流.






剌身 - 鄰近福良漁港, 所以4款剌身都鮮度十足, 爽甜味美.







燒物 - 鹽燒海老 + 榮螺, 鮮香好味道.





 茶碗蒸蛋 - 材料豐富清香甜, 滑溜溜.






雜錦天婦羅 - 新鮮香脆可口.






鳴門鯛魚素麵 - 40cm長嘅鳴門鯛4人份就原條上, 2個人食就開邊上, 賣相震撼, 再由店長拆肉奉上, 超大份量但都食過清光. 祇喺淡路島供應嘅鳴門鯛魚素麵, 第2度冇得食, 今次真係不枉此行.


 



  甜品 - 生果.





 食完鳴門鯛魚麵就去西海岸區嘅慶野松原, 不過冇嘜野睇, 行左一陣就走.



   
跟住去丸山區嘅海釣公園, 原來呢度睇日落一流, 令人心曠神怡.





今晚嘅淡路島の觀光旅館うめ丸(¥40,350).





我地住嘅係全旅館衹得一間嘅和洋式個室露天風呂房, 景觀對正鳴門大橋, 超正超舒服.





うめ丸嘅Logo 有七福神同鳴門鯛, 迎新銘菓都係鳴門鯛形造嘅豆沙餅, 好趣緻. 





抖左一陣就到大浴場浸浸泉, 然後就到鯛魚專門店食泉料理.






今晚我地食嘅泉料理 - 活造リ[鯛と海老]





先付 - 炸鯛魚皮, 涼伴筍, 野菌沙律, 全部都係開胃小食.






酢物 - 小肌同八爪魚都係醋漬首選, 酸鮮醒胃.





活造の鳴門鯛 - 魚頭同魚尾都仲會郁動, 保證活造超級新鮮, 食完一邊再食另一邊, 魚肉爽甜鮮美, 天下無敵嘅味道.




活造の車海老同鮑魚 - 活蝦同活鮑魚都爽脆鮮甜有嚼口, 會郁嘅蝦頭D膏剌身食就冇牡丹蝦咁甘甜, 炸熟左就香脆可口.




  鯛魚榮螺寶樂燒 - 好香嘅燒烤風味, 魚肉細嫩鮮香, 人間美味.






車海老天婦羅 - 巨形大蝦, 香脆鮮爽, 口感豐富.





鳴門鯛魚頭腩骨, 再用牛榜加昆布醬油煮, 入味又滋味.





御飯 - 鯛魚蒸飯, 野菜野菌加埋鯛魚肉一齊蒸飯, 無懈可擊嘅味道.





吸物 - 鯛魚骨湯, 清鮮香甜好飲.





甜品 - 柚子雪葩, 醒神去肥膩.







甜品 - 溫室蜜瓜, 香甜多汁, 作為一個完美晚餐嘅句號.





    旅館內有齊七福神, 一次過見哂, 真好運.






 食飽飽後行吓旅館商店, 有好多地道農產品賣.






跟住返回房間浸我地嘅私人露天風呂, 勁舒服, 浸完好好瞓.


瀏覽人數 :

無料カウンター

4 則留言:

  1. 坐船需要預約嗎? 和觀潮船電話幾多號呀?
    你所住既船係咪呢隻 うずしお汽船? 因我見佢有兩隻船, 唔跳邊一隻係你所坐的.
    [版主回覆06/26/2011 21:53:00]我地就冇預約, 因為唔係大潮時間. 電話係 088-687-0101. 相片中嗰隻船就係我地坐架啦.

    回覆刪除
  2. 謝謝回覆!
    雖然你地唔係係大潮時間, 但個旋渦都好勁喎.

    回覆刪除
  3. 由神戶去淡路道的IC收費貴嗎?
    [版主回覆07/30/2012 21:01:03]巴士班次我就唔知啦, 不過唔揸車去就勁唔方便, 咁就唔值得去啦.
    [Eddy回覆07/29/2012 22:23:20]如果唔渣車 系唔系唔太方便?

    因為我見到好似D巴士班次唔系好密咁

    如果想去多幾個景點就好似去唔到咁
    [版主回覆07/29/2012 22:07:49]係呀, 不過都值得去架.
    [Eddy回覆07/29/2012 10:36:06]那麼來回就要 11800円? 因為我之後會乘搭火車從神戶回大阪。
    [版主回覆07/29/2012 10:27:08]神戶去淡路道的IC收費YEN5,900, 其實日本IC收費並不便宜.

    回覆刪除

Related Posts Plugin for WordPress, Blogger...