胡志明市 - 來去匆匆

今次因為工作關係, 要到越南胡志明市分公司開會, 晚去早返頭尾就一共3天. 第一次到越南, 感覺有D似泰國同馬來西亞嘅混合體. 今次入住嘅酒店位於市中心, 行街揾野食非常方便, 公司安排左兩餐地道嘅越南菜同一晚海鮮餐, 自已就再去揾正宗越南牛肉粉食, 非常地道同滋味. 因時間所限, 所以就只得來去匆匆.

越南盾, 面額好大, 初時用唔慣, 萬萬聲咁用, 夠晒豪.(US$1=VND20,850)

國泰飛機餐 - 味道一般也.

   

New World Saigon - 酒店位於市中心, 出入都非常方便.

房間光線充足, 幾舒服.

 

第一晚去當地一家幾出名嘅地道越南餐廳, 唔記得個名, 都有好多遊客幫襯, 食左好多特式菜, 椰皇酸辣海鮮羹, 越式煮帶子, 蝦片沙律, 似魚香茄子嘅煲仔菜, 同埋最後相中嘅傳統古法煎魚撈檬, 席前即做, 斑肉香鮮可口, 檬粉配魚露醋汁伴食, 開胃醒神.

   

喺檳城市場旁嘅夜市行左一陣都未肚餓, 所以冇食宵夜就返酒店啦.

    

喺酒店食完早餐出外行吓, 附近好多地道食檔.

開完會就行吓百貨公司, Diamond Department Store.

Vincom Centre

    

Rex Hotel 附近名店多的是.

市政廳

  

Pho 2000牛肉粉專門店, 連前美國總統克林頓都黎過幫襯.

   

越南牛肉河粉Pho Thuong(VND42,000) - 牛肉味濃有咬勁, 湯底清甜, 加上大量配菜, 地道又好味.

檳城市場一帶車水馬龍, 十分繁忙.

   

檳城市場內多數賣服裝及日用品.

  

多間地道食檔都好多人幫襯.

    

范五老街日夜都咁熱鬧, 越南地道咖啡店, 驚飲左瞓唔著, 冇得試.

今晚食中菜Ocean Palace, 主打海鮮, 有油浸超大筍殼魚, 蒸肉蟹, 燒鵝, 炒菜.

 

  

主角之一嘅紅干燒大頭蝦, 10吋長超巨形, 肉爽膏多, 豐膄甘香好滋味.

今晚再到檳城市場旁另一邊嘅夜市, 食檔較多較大, 好多遊客.

酒店傍有一間用中文名嘅食店"牛肉粉", 擺明車馬主打牛肉粉, 當然要一試啦.

Pho Hung Dac Biet(VND50,000) - 可能係叫火車頭, 大量牛肉,牛腩,牛筋,牛栢葉同牛丸, 湯底夠多夠香濃, 連埋大量香料配菜一齊食, 越食越滋味, 不過店內冇冷氣, 食完由頭濕到落腳.

   

第ニ朝食早餐前出外周圍行吓, 見到地道燒烤同越式三文烤治好吸引.

   

酒店自助早餐好豐富, 中西日越式樣樣齊, 燒牛肉同牛肉河都好好味, 滿足.

HCMC機場, 越南航空counter多, check in簡單快捷, 好方便.

   

坐完車要行上飛機.

   

越南航空飛機餐 - 蓮藕沙律同牛肉炒麵, 味道唔錯.

戰利品