釜山3天自由遊2011 (Day 2)

Day 2  海雲台 - 西面- 南浦洞 - 廣安里 - 海雲台市場

今日天氣非常好, 朝早6點唔夠就天光,  海灘上已經人來人往, 仲有人玩緊滑浪. 見到都心情大靚.

   

早餐 - 士多啤梨+韓國即食麵+咖啡, 方便簡單又一餐.

  

海灘左邊盡頭就係碼頭同海鮮街, 露台仲可以睇到酒店泳池同露天溫泉.

   

食完早餐最佳節目, 游水+浸溫泉. 泳池比較普通, 4個溫泉分別由40~44度水溫組成, 泉水皆來自海雲台地底嘅正宗溫泉, 建造得幾別緻, 夠特別.  

    

浸完溫泉出南浦洞市中心行街, 先去釜山火車站睇吓, 剛好送火車尾.

 

西面地下街 - 化妝品店最多, 喺Missha入左D貨.

   

西面路邊攤檔街, 位於樂天百貨傍, 依加剛剛開緊檔.

行吓西面購物街, 諗住食正宗韓式料理店三五亭, 可惜揾唔到.

   

唯有食呢間XXX麵店.

 

有圖片嘅menu, 叫野食好方便.

  

泡菜成盒上, 食幾多就夾幾多上碟, 左邊嘅食落好似鹹酸菜.

  

韓式水冷麵(W6,000) - 清新開胃, 爽口透心涼, 食完令人好舒服.

 

陽光普照之下, 跟住再去行札嘎其市場, 碼頭泊左好多魚船.

農水產場外市場 - 好熱鬧, 各式各樣嘅海產, 泡菜, 漬物應有盡有, 檔口旁邊仲可以做埋食肆.

  

乾貨香料都係樣樣齊.

 

居高臨下睇札嘎其市場同農水產場外市場, 一目了然.

   

札嘎其市場另一邊盡頭係一條乾貨海產街 - 成條街都係賣海產乾貨嘅店鋪.

PIFF廣場係南浦洞嘅中心點, 好多地道小食攤檔.

南浦洞時裝街 - 服裝店最集中, 週時都人來人往.

   

南浦洞 - 國際市場小吃街, 非常地道.

 

行左一陣又要醫肚, 今次呢間一睇就知係食烤海鮮雞肉大獲飯架啦.

 

上完盆烤海鮮雞肉我地先叫飯諗住自己煮, 唔點知原來佢地要係入邊炒埋先放落黎, 同喺首爾食嘅不一樣, 埋單W25,000又唔貴, 幾有趣.

南浦洞其中一條橫街窄巷內完竟然見到找換店, 入番D彈藥, 滙率 @W135, 仲平過機場.

跟住搭地鐵返海雲台酒店, 搭足廿幾個站好鬼悶, 途經海雲台市場.

 

海雲台市場 - 除左食店, 仲有街市同超級市場, 海鮮,蔬菜,生果,醬料,泡菜樣樣齊, 超方便.

   

流動茶水檔  - 飲左杯柚子茶(W1,000).

   

小食同生果檔, 喺度買左3個韓國柑(W10,000).

   

跟住巡返酒店行吓海灘, 黃昏日落, 好鬼浪漫.

 

夜晚飛的去廣安里(W7,600)行吓, 順便食埋晚飯, 點知好繁忙好塞車.

   

原來廣安里做緊海鮮節, 好好氣氛, 非常熱鬧.

仲可以近距離睇煙花, 好精釆, 夠震撼.

  

跟住沿廣安里海灘去到盡頭嘅廣安里刺身街, 有幾百間海鮮食店, 旺過西貢鯉魚門多多聲, 真利害.

   

廣安里刺身街後面就係Me World遊樂場, 好多機動遊戲.

   

行左一陣, 今晚決定就喺呢間食辣泡菜牛肋骨窩.

   

叫左個二人嘅辣泡菜牛肋骨窩套餐(W24,000), 奉上奄列, 炒粉絲, 香腸紅豆飯同辣魚肉絲都好好味道. 今晚仲放膽飲吓韓國燒酒, 食得好開心呢.  

   

辣泡菜牛肋骨窩 - 牛肋骨肉味超濃, 湯汁香辣非常, 仲有金菇同年糕, 辣於得好過癮, 越食越滋味.  

食完飯過返去對面廣安里海灘行吓, 沙灘嘅嘉年華會有人唱歌, 仲有大排檔售賣地道韓國熟食同海鮮, 好熱鬧. 廣安大橋嘅夜景真係好壯觀同好靚, 值得到此一遊.

跟住打的返酒店, 超快唔洗10分鍾(W4,500), 仲有時間浸番個露天風呂, 真爽癮. 浸完返房間睇吓夜景, 今晚沙灘比尋晚熱鬧得多, 仲有人喺沙灘上煙花, 個天好清, 遠遠都見到廣安大橋.

是日生果就係下午喺海雲台市場生果檔買嘅韓國柑(W10,000), D皮好薄, 果肉夠充實同多汁, 果味濃郁, 超高質素, 物超所值.

   

12點都仲未眼瞓, 一於落街食宵夜. 呢間有40年歷史24小時營業嘅鮮錦繡河豚店(難得有中文名), 食宵夜就剛剛好.

   

錦繡河豚店 - 高級河豚鍋(W18,000), 好多河豚肉, 有魚頭同魚尾仲連埋魚皮滑溜溜原汁原味, 魚肉鮮嫩爽脆, 湯既清且鮮甜餸飯一流, 食完呢餐宵夜零舍好瞓.

瀏覽人數 :