2013年6月1日 星期六

Auberge Discovery Bay (愉景灣悠閒假期)

星期三已知今個週末陽光普照, 所以Book定星期六入住愉景灣新開嘅酒店Auberg Discovery Bay, 今日天朗氣清, 風和日麗, 心情勁靚, 依家去愉景灣己經唔係祇得水路, 陸路去更加方便快捷, 酒店仲有專車接送, 尖沙咀上車約半小時車程就到, 第一次去愉景灣, 發覺地方比想像中大, 商店物資豐富, 形成一個自給自足嘅社區, 環境非常寧靜同和諧, 令人嚮往嘅居住地方.



















酒店有專車接送, 尖沙咀上車約半小時車程就到, 沿途經過昂船洲大橋同貨櫃碼頭, 好壯觀. 




Auberge Discovery Bay, 剛剛開業.




酒店大堂樓底超高, 充滿海洋氣色, 珊瑚氣泡吊燈好吸引.




電梯內都有海螺圖案.





酒店房間闊大, 仲有無敵大海景露台, 環境靚絕.






浴室玻璃可以見到無敵大海景, 三白灘,四白灘同遠遠嘅迪士尼酒店都一目了然.





露台可以見到尚未開幕嘅酒店泳池, 隣近嘅愉景北商場同埋對面嘅三白灘.




露台視野廣闊, 四白灘, 迪士尼酒店, 遠遠嘅ICC同IFC都清澈可見.






酒店附設水晶玻璃三角教堂, 又靚又宏偉.






行去隣近嘅愉景北商場兜個圈, lunch就喺Jaspas食.



泰式燒牛肉沙律($120), 燒牛肉香口好味, 入口肉嫩多汁, 蔬菜勁爽脆, 伴冬陰芒果沙律醬汁, 惹味非常, 水準超高.




鮮蝦牛油果薯糰($148), 餐廳推介食品, 大蝦鮮甜爽口, 蕃茄蓉加牛油果香滑好味, 伴薯糰滋味無窮, 高質素出品.



 食完返酒店房間午睡片刻, 得知我地結婚26週年, 酒店奉送軟心朱古力同2011年意大利氣酒, 真窩心.




三白灘下午巳經開始有人正在玩樂.







風和日麗嘅環境下, 遠遠有人正在揚帆出海.





跟住搭巴士出愉景灣碼頭, 拾零分鐘就到.



愉景灣碼頭傍邊嘅大白灘, 名副其實水清沙幼.





愉景灣碼頭傍有個D Deck商場, 食店商店臨立, 非常熱鬧.  喺Uncle Russ 買左杯Mango Smoothies($38), 透心涼.





第二站去愉景灣嘅眺望台睇吓風景, 要行兩公哩嘅斜路都幾甘, 終於見到仲有200米就到嘅路標啦. 達行上兩公哩成粒鐘




到達眺望台, 視野開揚, 愉景灣風景一覽無遺, 左邊就係我地住嘅酒店Auberge Discovery Bay.






由愉景灣碼頭D Deck商場行到黎呢度要成粒鐘架.






山上有引水道, 沿山流落山下, 形成一條水瀑布.




睇完景行番落D Deck商場巳經七點, 我地揀喺 Solera 食西班牙晚餐.



我地坐窗口位.





西班牙特式生果酒Red White Sangria($55 each), 有分紅酒白酒, 各要左一杯, 送Tapas一流.



Burgos Blood Sausage ($66), 西班牙地道小食, 蘋果醬加烤洋蔥令血腸更加滋味.




Japanese Scallops Ceviche ($66), 賣相似分子料理, 青擰泡沬,三文魚子,蕃茄粒,紅洋蔥香草汁,帶子片,牛油果奶凍. 口感同味道層次豐富, 配搭相當精釆.




Cocido Soup($58), 西班牙凍湯試得多, 今次飲呢個熱湯相當特別, 材料豐富, 香腸雞心豆麵條同豬腩肉煲成, 非常好飲.



Pulpo a la gallega100g ($95), 煮八爪魚軟熟香腍, 紅椒蕃茄欖油汁更能帶出八爪魚嘅鮮味, 正斗.




Anchovies Canape($118), 鯷魚鹹香鮮味, 配烤甜椒同焦糖能中和味雷, 互助配合夠和味.



Seafood Paella Pasta ($268), 西班牙海鮮飯食得多, 配麵就比較清新, 海鮮湯底精華盡滲入麵內, 魷魚海蜆大蝦全部鮮味無比, 海鮮麵記得喺西班牙食過, 當時印象非常深刻, 今次再食也相當滋味, 天下無敵嘅味道.




愉景灣碼頭同D Deck商場嘅週末夜晚好熱鬧好好氣氛.






愉景灣碼頭夜景, 可以睇到天上嘅星星, 仲不時見到有飛機經過.





九點正開始迪士尼放煙花, 愉景灣碼頭都可以睇得到.






睇完迪士尼煙花坐巴士返酒店.






原來房間露台都可以睇到迪士尼煙花架, 仲可以睇埋中環同尖沙咀夜景, ICC Building好搶眼.





酒店泳池同隣近嘅愉景北商場巳經夜闌人靜, 都係去沖涼訓覺也.




早上六點巳經日出了.





早上海面平靜, 北商場同三白灘了無人煙.



落三白灘行吓, 水清沙幼.



行到七點, 返酒店食早餐.




酒店餐廳Café bord de Mer就喺食自助早餐嘅地方.




Café bord de Mer地方簡潔, 裝修以海洋為主題.




自助早餐非常豐富, 材料優質.




酒吧The Bounty Bar, 環境優美, 勁舒服.



食完早餐上房抖抖, 跟住再落落白灘行吓, 水質清澈, 生態環境一流.




樹林傍見到3隻蝴蝶.




坐11:15分酒店車出尖沙咀.





回程經青馬大橋, 睇到馬灣.



瀏覽人數 :

無料カウンター

1 則留言:

  1. Very beautiful pictures of the new hotel in Discovery Bay! Thanks for sharing!

    回覆刪除

Related Posts Plugin for WordPress, Blogger...