橋咀島(西貢世界地質公園遊)

今日陽光普照大好天, 係郊外旅遊嘅好日子, 原本想去長洲行吓, 最後決定去西貢橋咀島行地質公園, 旺角有小巴直到西貢碼頭, 碼頭上好多街渡檔口, 可以選擇去唔同嘅外島, 交通超方便.

出發前梗係先喺西貢市內食碟車仔腸粉打個底, 熱辣辣好味道.

西貢街渡碼頭, 可以選擇去唔同嘅外島, 橋咀島來回每位$30.

坐街渡出發喇.

15分鐘船程就到橋咀島, 呢個就係連島沙洲.

橋咀島碼頭傍已經見到六角形嘅火山角礫岩.

 外形似菠蘿包嘅石英二長岩, 呢度水質清澈見底, 零汙染.

連島沙洲前有個水清沙幼嘅海灘, 好多小狗狗正在海中暢泳.

連島沙洲除著潮汐漲退有唔同嘅景像, 潮漲時就行唔到過去喇.
 

橋咀郊野公園已被列入世界地質公園, 我地由左邊入口沿山而上去到右邊嘅燈塔盡頭, 大約需時拾分鐘.

呢邊形成左一個小形海灘, 渺無人煙自成一角, 環境勁正.

燈塔傍有大量六角形嘅火山角礫岩同似菠蘿包嘅石英二長岩.

菠蘿包上寄生好多海洋生物, 鬼爪螺, 海螺同細少嘅珊瑚蟹徐處可見, 生態環境一流.

原路回程可以到橋咀郊野公園最高處嘅觀景台欣賞四週風景.

橋咀郊野公園內有好多生長得非常色彩繽紛嘅花朵.

橋咀沙灘由政府管理, 有救生員同防鯊網, 但好多碎石同唔准狗狗入, 所以好冷清.

沙灘上有小賣部, 鳳仙雪條係最佳消暑食品.

橋咀島碼頭傍嘅一片小形花海.

等到有街渡黎, 可以返回西貢.

街渡原來要先去半月灣然後再回西貢, 可以遊吓船河都幾得意, 半月灣都可以見到六角形嘅火山角礫岩, 呢個沙灘比橋咀沙灘熱鬧得多.

遊足45分鐘船河後終於返回西貢碼頭.

依家魷魚季節, 曬魷魚仔喺西貢市內除處可見.

下午三點揾野食, 行到黎見到Bacchus仲有午餐供應, 一於喺度食個 late lunch 先.

餐廳環境舒適, 午餐頭盤加主菜由$68至$148都有.

蕃茄青木瓜沙律, 清新爽口又惹味, 充滿泰國風味嘅頭盤.

鮮蝦牛油果沙律, 鮮蝦爽滑鮮味, 牛油果醬夠軟滑, 正斗.

泰式牛肉撈檬($68), 入口味道似蠔油炒牛肉, 獻汁令撈檬傑撻撻一舊舊, 失望.

海膽墨魚涼伴橋麥麵($148), 海膽份量十足, 入口甘甜香滑, 灼墨魚軟嫩鮮味, 伴青瓜絲橋麥麵, 口感豐富, 食法清新, 滋味無窮嘅主菜.

瀏覽人數 :