八月居

近期八月居推出了6折優惠套餐, 6位用晚市套餐有6菜1甜品, 菜式包括有茶燻鴨, 原隻花膠扒, 龍蝦伊麵等等, 配埋智利紅酒或鮮榨橙汁, 連雜費加一都係大約$1,000落樓, 尖沙咀店內環境整潔舒適, 服務態度同食物質素都很好, 的確係物超所值, 一星期已去了二次, 滿足.

===================================================

尖沙咀店內環境整潔, 客人坐下後才擺放餐具, 非常衛生.

開胃小菜.

炭燒半熟安格斯牛肉沙律 - 牛肉入口軟嫩無渣, 沙律菜配日式和風醬汁清爽開胃, 優質高水準.

慢烤脆香茶燻鴨 - 新鮮熱辣, 皮脆肉嫩帶有茶燻香味, 伴以鬆軟蝴蝶餅同配菜, 啖啖滿足, 非常美味.

龍蝦湯蛋白燴燕窩 - 真材實料, 在席前才加入大大羹燕窩, 龍蝦湯鮮味濃郁稠密, 好味道.

上湯焗加拿大龍蝦伊麵 - 新鮮龍蝦鮮味澎湃, 上湯燴伊麵越食越滋味, 正斗.

原隻蠔皇花膠扒 - 厚身花膠扒原隻上, 配以香濃頂湯芡汁, 以刀叉品嚐, 入口軟糯滑溜, 啖啖滋味令人回味無窮.

古法蒸沙巴躉 - 雖然並非以古法北菇肉絲一同蒸煮, 唯沙巴躉肉質爽滑, 好味道.

101鮮果拿破崙 - 輪到最高潮的甜品出場, 賣相已拿滿分, 層層疊酥皮拿破崙中間夾著吉士醬同新鮮雜果碎, 口感豐富, 味道甜美, 如果再多點吉士醬會更加好味, 切餅時要考考大家的心思.