Black Coffee(米豬連的日與夜)

位於旺角的Black Coffee主打手冲咖啡及創作甜品, 每次經過都大排長龍, 曾經吃過lunch後十分回味, 再加埋2次晚餐及似藝術品般的甜品更令我一食入魂, 廚師把優質食材得到精采的演繹, 令人感受到色香味俱全的體驗.

===================================================

店內以黑色作主調, 裝修簡潔.

手搖白桃冰茶($15) - 平日午餐配飲品非常超值, 桃味香甜透心涼.

南瓜湯($15) - 平日午餐餐湯, 香甜滑溜.

自家製經典牛肉漢堡配薯條($128) - 薯條灑上香草辣椒粉惹味之餘並帶出薯蓉香味, 竹炭漢堡包外層香脆, 番茄生菜新鮮爽脆多汁, 芝土磨菇牛肉漢堡味道豐富, 啖啖經典滋味.

泰式香辣椰子烤雞意粉($108) - 椰香中帶點辛辣, 非常惹味, 好吃.

慢煮口水雞扒配雙重芝士番茄意粉($124) - 芝士薄片鹹香惹味, 香辣入味的口水雞扒肉質軟滑, 雙重芝士番茄醬非常豐厚又好味, 回味無窮的意粉.

慢煮口水雞扒配忌廉磨菇汁貓耳朵意粉($124) - 口水雞扒肉質同味道極正斗, 忌廉磨菇汁夠creamy又很滋味, 配爽滑的貓耳朵粉非常好吃.

自家製煙豬腩肉蔥油意大利粉($124) - 自家製煙豬腩肉味道濃郁, 伴生磨和金沙兩款蒜蓉非常刺激味蕾, 惹味蔥油煮意粉越吃越滋味, 很精釆的意粉.

蕃茄牛肉馬沙拿飯 - 牛肉煮得香腍入味, 濃厚的馬沙拿咖哩送飯一流.

露筍蟹肉鮮魷忌廉龍蝦汁意大利飯($138) - 勁量的蟹肉和新鮮魷魚非常優質, 配合香濃稠密的忌廉龍蝦汁令每口意大利飯都鮮味澎湃, 人間美味.

薑味麻糬窩夫(Ginger Moffle)配紅豆蓉綠茶雪糕($66) - 賣相精美, 麻糬窩夫外香脆內軟糯, 薑味很突出, 伴濃郁的綠茶雪糕及抹茶粉, 香甜紅豆蓉和鬆脆的米通, 口感與道味也非常豐富.

焦糖香蕉朱古力雪糕窩夫($66) - 窩夫淋上朱古力醬香脆可口, 香蕉配上焦糖脆皮和吉士打醬勁香甜, 軟滑忌廉加入濃郁的朱古力碎, 配合朱古力雪糕和粟米脆片, 一次可以滿足四個願望, 層次分明的超好味甜品.

榛子鮮奶咖啡 - 手冲拉花咖啡, 榛子令已經香濃滑的咖啡帶有果仁香味, 極優質的咖啡.

黑糖焙茶鮮奶 - 非常完整的拉花奶茶都係第一次飲, 入口香甜滑溜奶味濃厚.