日本四國櫻花15天自駕遊(2024) - Day 11

Day 11 : 今治菊水酒店(早餐) - 小步危展望台 - 大步危展望台 - 大步危駅 - 藤蔓橋夢舞台(午餐) - 祖谷藤蔓橋 - 琵琶の滝 - 祖谷ひ字溪谷IyaValley - 祖谷小便小僧 - 祖谷落合集落展望所 - 天空露天風呂 - 湯元新祖谷溫泉蔓橋(溫泉晚餐) - 夜遊祖谷藤蔓橋

Day 11 : 今日主要行程係遊覽德島縣, 景點超多包括有齊櫻花與油菜花加峽谷嘅壯麗景色的小步危展望台, 長滿櫻花樹的人氣景點大步危展望台和大步危駅, 被祖谷渓的豐富自然景觀圍繞之下的祖谷藤蔓橋, 長滿綠苔蘚, 天然無污染的寧靜環境的琵琶之滝, 祖谷溪最險峻的陡峭斷崖祖谷ひ字溪谷和小便小僧, 迷你版的日本馬丘比丘落合集落展望所, 最開心梗係湯元新祖谷溫泉蔓橋嘅天空露天風呂體驗, 餘慶仲加插咗夜遊祖谷藤蔓橋, 今日睇到好多燦爛滿開的櫻花樹, 酒店的溫泉料理加圍爐燒晚餐非常好氣氛, 仲有無敵嘅滋味, 精彩滿足的一天.

朝早看看房間窗外的景色, 原來非常開揚, 仲有來島海峽大橋的海景.

早餐有日式和西式選擇, 兩款都同樣好味.

朝早的今治銀座商店街(IMABARI GINZA)祗有做批發的海鮮魚檔營業.

酒店Check-out 後駕車2小時, 由愛媛縣駛至德島縣三好市的小步危展望台.

小步危展望台是觀賞小步危峽谷壯麗景色的絕佳位置, 峽谷橫貫四國山地的吉野川激流, 配合春天櫻花與油菜花季節, 景緻宜人.

下一站到River Station WEST-WEST商場,  有齊餐廳商店洗手間和景點等多功能設施的道之驛.

商場有付費區域(每人100円), 內有洗手間和展望台, 可以睇到峽谷橫貫四國山地的吉野川激流, 仲可以睇埋櫻花, 值得一遊.

然後到長滿櫻花樹的人氣景點大步危展望台, 有齊大歩危橋;鐵路;大步危峽和櫻花樹, 景色無敵.

由大步危展望台步行到大步危駅, 沿路都有紀念品商店.

大步危駅鐵路班次稀疏, 非常寧靜.

一排排滿開的櫻花樹.

剛好有新款電氣列車到站.

下一站到祖谷藤蔓橋, 最近景點的泊車位就在藤蔓橋夢舞台, 泊車費500円, 館内販售包括當地特產, 土產與紀念品.

場內有祖谷蕎麥麵店"祖谷そば", 可以順便吃午餐, 麵店用自助售賣機, 先購票後揾位進餐.

牛肉蕎麥麵(900円) 

天婦羅冷蕎麥麵(1,300円) - 味道OK.

場內有介紹祖谷藤蔓橋的製作過程, 原來每三年會進行一次獼猴桃藤蔓更換工程.

藤蔓橋夢舞台有捷徑步道, 步行5分鐘便可到達祖谷藤蔓橋.

祖谷藤蔓橋(祖谷のかずら橋) - 位於日本著名的祕境祖谷地區, 以獼猴桃藤蔓每3年製作一次, 是日本著名的三大奇橋之一. 藤蔓橋被祖谷渓的豐富自然景觀圍繞之下, 一年四季都會有不同的景緻.

祖谷藤蔓橋(過橋費每位550円) - 過橋時會感到搖晃, 所以都行得小心翼翼, 慎防叉錯腳.

順路去埋附件的琵琶の滝,  高約50公尺, 瀑布旁邊長滿綠苔蘚, 天然無污染的寧靜環境.

祖谷ひ字溪谷IyaValley - 會轉彎的峽谷.

祖谷小便小僧 - 位在祖谷溪最險峻的一處斷崖之上, 完全可以看出溪谷的陡峭.

尚有時間, 可以去埋祖谷落合集落展望所 - 位於東祖谷中央地區傾斜山坡上的聚落,上下高低落差達390公尺, 像迷你版的馬丘比丘, 全景觀呈現出日本的原始風貌, 世外桃源郷的空間和意境.

湯元新祖谷溫泉蔓橋 - 門口已經有我們的名字, 很貼心.

酒店內有土特產出售, 酒店旅客來自世界各地, 香港和台灣的佔很多.

酒店房間非常寬敞, 光猛整潔, 一泊兩食收費HK$2,481.51. 

房間有茶點供應, 在窗邊一面泡茶一面吃甜點, 一面欣賞窗外的櫻花樹, 超爽.

酒店有齊大浴場與天空露天風呂, 中文攻略指示非常清晰.

當然係第一時間去浸天空露天風呂, 全自動木造升降機, 很特別.

雲海之湯(男湯), 樹海之湯(女湯).

舒適開揚的雲海之湯.

另一亮點, 絕景襯托下的天空足湯. 

浸完天空露天風呂, 到酒店餐廳吃晚餐.

晚餐的溫泉料理加入圍爐燒, 勁豐富.

咁正嘅環境下可以飲少少熱清酒(660円), 配前菜一流.

圍爐燒香魚 - 魚肉香甜鮮嫩.

圍爐燒團子 - 配味噌醬好味道.

蠶豆魚子煮 - 超巨型蠶豆豆味濃郁, 魚子鹹香滋味.

地雞陶阪燒 - 陶阪燒原汁原味, 雞肉香甜彈牙, 蔬菜爽甜多汁.

天婦羅 - 香脆可口.

湯蕎麥麵 - 祖谷蕎麥麵清新好味.

杞子焙茶啫喱奶凍 - 配搭很特別, 香甜美味.

晚餐後酒店安排了餘慶節目, 乘坐古老巴士夜遊祖谷藤蔓橋, 可惜今晚藤蔓橋未能亮燈, 美中不足.

再到另一地方給我們觀星的體驗, 真是滿天繁星.

返回酒店, 到對面路邊睇夜櫻.

最後回酒店到大浴場浸浸. 

睡前生果 - 香甜嘅士多啤梨.

日式榻榻米 - 大覺瞓.