日本四國櫻花15天自駕遊(2024) - Day 3

Day 3 : 酒店早餐 - 高松城跡玉藻公園 - 栗林公園 - 高松市中央卸売市 - 鰻のへそ鰻魚專門店(午餐) - 三越百貨 - 高松丸龜町商店街 - 松のや炸豬扒店(晚餐) - 高松地標塔觀景台 - 高松港玉藻防波堤赤灯台 - 高松城夜景

今天主要行程是栗林公園, 朝早天氣好我先到高松城跡玉藻公園, 吃完早餐到栗林公園, 園內主要打卡點(飛來峰)要9:00前到達所以要搭的士去, 栗林公園真係好靚好值得去, 中午到高松市中央卸売市逛一逛, 原來中午的中央市場已沒有零售攤販, 冷冷清清祗有幾間餐廳營業, 幸好在鰻のへそ鰻魚專門店吃了一道超正斗的炭燒鰻魚飯, 非常難忘, 要在行程的最後一日再吃多一次才滿足, 下午到高松中央商店街,  行吓三越百貨同丸龜町商店街, 在商店街內一間松のや炸豬扒店吃香脆滋味的炸豬扒和炸海鮮, 第三晚終於可以在高松影吓夜景, 在高松地標塔觀景台影吓高松市夜景, 再步行到高松港拍攝地標玉藻防波堤赤灯台, 尾站仲可以影埋高松城夜景, 大滿足.

酒店自助早餐.

早上再到高松城跡玉藻公園逛一逛, 披雲閣庭園, 高松城北之丸月見櫓, 水手御門, 渡櫓, 本丸跡天守台.

難得有艮櫓(舊太鼓櫓跡), 旭橋(大手)加JR火車駛至的倒影一景.

酒店乘的士到栗林公園, 車費1,400円.

栗林公園 - 自1745年起耗費百年歲月所完成的大名庭園, 現已被指定為國家特別名勝，配置了六座池子與十三座假山, 真可謂「一步一景」, 入場費每人410円.

飛來峰 - 早上九點前絕對是最完美的時間. 

吹上亭與偃月橋也是必到景點, 水質清澈.

南湖上的掬月亭, 環境絕靚, 早上更有朝食供應, 但需要日本電話預約所以與我無緣.

商工獎勵館 

鶴亀松 - 又名百石松, 是以110個石頭組合成烏龜的造型.

離開栗林公園, 到栗林公園駅乘車離開, 車站是以單線雙程行車運作, JR火車每小時祗得一至二班.

祗搭一個站到昭和町駅下車. 

下車後步行十分鐘到達高松市中央卸売市, 原來中午的中央市場已沒有零售攤販.

市場內冷冷清清, 祗有幾間餐廳營業.

出發前已選定在這間鰻のへそ鰻魚專門店吃午餐, 主打炭燒新鮮日本鰻魚, 今天售賣的是鹿兒島鰻魚.

鰻丼(半身)(2,200円) - 炭燒鰻魚即叫即燒, 外皮超香脆, 魚肉軟熟鮮嫩, 配新鮮的鰻魚肝湯, 清甜好味, 正斗.

鰻三味定食(1尾)(3,900円) - 炭燒鰻魚, 鰻重, 茶漬鰻魚飯, 一次過滿足三個願望, 超級滋味.

午飯後在中央卸売市前駅等巴士,  拾零分鐘後巴士駛至, 我們在高松駅前広場駅下車, 車費每人200円.

下車後步行拾零分鐘到高松丸龜町商店街.  

高松丸龜町商店街是個全天候步行區, 縱橫交錯四通八達.

街內有三越百貨, 食店, 書店, 紀念品店, 藥妝店等商舖臨立, 應有盡有, 半天也行不完.

到松のや炸豬扒店吃晚餐, 主打炸豬扒及海鮮, 食店以自助形式經營, 先在自助售票機購買食品, 然後等候製作及通知取食物.

炸海鮮雜錦定食(1,190円) - 炸魚,生蠔及大蝦香脆可口鮮味, 配豚肉味噌汁, 加1件唐揚炸雞(120円), 勁味道.

雙重炸豬扒定食(980円) - 雙重份量嘅炸豬扒, 外脆內軟有肉味, 漬蘿蔔(90円)爽脆多汁要encore多一碟, 正斗.

晚飯後港漫步街道, 明月高高掛.

跟住到高松地標塔觀景台睇夜景.

再散步到高松港.

高松港地標玉藻防波堤赤灯台.

最後到高松城, 夜景加車軌.

返酒店前在高松駅前広場影吓夜景.

JR Clement Hotel.

睡前甜品 - 在高松駅剛開幕的ORNE百貨公司購買的栗子紅豆卷, 軟綿綿香甜好味.