日本四國櫻花15天自駕遊(2024) - Day 9

Day 9 : ホテル古湧園 遥(自助早餐) - 道後溫泉別館(飛鳥乃湯泉) - 松山城 - 鯛めし専門店Taimeshi Motoyama(午餐) - Dogo Ehime Rental Towel(水龍頭橙汁) - 今治毛巾美術館ICHIHIRO -  松山 鯛めし 秋嘉(晚餐)

DAY 9 : 今日行程主要係遊覽道後溫泉街及松山市一帶, 上午的溫泉街一帶遊人甚少好好行, 然後就搭吓電車去松山市必到景點松山城遊覽， 因為知道下晝會落大雨，所以下晝就安排駕車去今治市嘅毛巾美術館參觀，今日選擇吃愛媛縣的必食名物鯛魚料理，午餐晚餐都各據特色，相當滋味， 道後溫泉街嘅水龍頭橙汁店體驗都幾特別，晚上繼續下著大雨冇節目都仲可以浸吓溫泉，滿意的安排。

ホテル古湧園"遥"露天温泉, 視野寬廣, 浸得超舒服. 

 浸完温泉到餐廳吃早餐.

自助日式早餐 - 非常豐富.

ホテル古湧園"遥" - 大堂及紀念品店.

酒店有專屬通道直達道後HAIKARA通.

道後溫泉別館 - 飛鳥乃湯泉, 日與夜都充滿藝術氛圍.


道後觀光案內所



早上的道後溫泉駅非常悠閒.



道後溫泉本館 - 千與千尋的油屋藍本.

逛一逛道後HAIKARA通.

再搭電車到松山城, 車費每人400円.

道後必遊的景點松山城.

松山城嘅天守閣是現存十二天守之一.

松山城建於山上,上山有纜車和吊椅選擇, 梗係坐吊椅好玩啲啦, 入場費連上落吊椅(每人780円).

開得很茂盛的桃花.

開始進入第一個門樓"筒井門".

松山城本丸 - 視野開揚.

松山城內唯一滿開的櫻花, 有電視台專誠黎採訪櫻花的滿開度.

由太鼓門開始, 穿過無數的門樓進入天守閣.

松山城經歷了五代將軍佔領.

松山城座落在愛媛縣松山市中心, 是日本最後的完整城郭建築, 鳥瞰附近城區的全景, 站立在天守閣居高臨下, 四周視野無阻擋, 有大地在我腳下的感覺.

落山前再欣賞盛開的桃花. 

最後坐吊椅落山.

午餐就在松山城斜對面, 松山市大街道的鯛めし専門店Taimeshi Motoyama.

餐廳主打宇和島鯛魚料理, 餐牌圖文並茂很方便.

宇和島鯛魚膳(鯛大盛)(3,060円) - 鯛魚膳是愛媛縣的必食名物, 三吃有炸鯛魚餅, 鯛魚刺身, 鯛魚伴飯, 鯛魚鮮甜爽滑, 大滿足.

返回道後HAIKARA通, 到Dogo Ehime Rental Towel 店內體驗水龍頭橙汁, 有大量不同品種的枝裝橙汁出售, 可以試完再買.

水龍頭橙汁 - 每天提供五款不同口味的橙汁可選, 770円可試3款每杯100cc不同味道的橙汁, 很好的體驗.

預測到今日下午會落雨, 所以安排了室內行程, 駕車到今治市的毛巾美術館ICHIHIRO, 入場費每人800円, 館內有大量不同款式和呎碼的毛巾.

色彩豐富, 鮮豔奪目的原材料.

毛巾美術館當然有大量毛巾藝術品.

當日還有人形公仔展覽, 手工精細, 令人大開眼界.

晚餐回到松山市大街道, 選了這家鯛魚專門名店, 松山 鯛めし 秋嘉,  六點黎到已經需要排隊等候.

鯛魚素麵Tai Somen (2,500円) - 愛媛縣的鄉土料理, 烤鯛魚伴素麵, 再配上鯛魚熬製嘅湯汁, 吃時再加上薑汁, 滋味無敵, 精釆.

松山鯛めし膳Matsuyama Taimeshi (2,350円) - 松山鯛魚斧飯, 鯛魚刺身, 鯛魚茶漬飯和蔬菜大蝦天婦羅, 豐富又美味.

松山鯛魚斧飯 - 是這裡的鄉土料理, 每粒飯都充滿鯛魚鮮甜味, 滋味正斗. 

吃飽回酒店ホテル古湧園"遥", 沿路上也下著大雨, 沒有再外出衹能在酒店浸温泉, 然後大覺瞓.