日本四國櫻花15天自駕遊(2024) - Day 12

Day 12 : 祖谷藤蔓橋 - 琵琶の滝 - 湯元新祖谷溫泉蔓橋(溫泉早餐) - 大步危駅 - 金刀比羅宮 - 吉田家(午餐) - 丸龜城 - 琴平花壇旅館(溫泉晚餐)

Day 12 : 今日行程主要係由德島縣嘅祖谷去香川縣琴平町嘅金刀比羅宮, 大清早嘅祖谷藤蔓橋同琵琶の滝完全冇遊人, 任影唔嬲非常爽引, 酒店check out後仲有時間去大步危駅再影櫻花, 滿開嘅櫻花樹真係好靚, 中午就去金都比羅宮, 出發前要做足功夫同埋要有充分休息時間, 因為去到御本宮都要行785級樓梯，上到頂後院就要一共行1368級樓梯, 真係少啲腳骨力都唔得, 我就行到去御本宮就算喇, 琴平之階梯和櫻馬場一段嘅櫻花真係開得幾茂盛, 值得一遊. 尚有時間可以去埋丸龜城, 去得太多城堡覺得呢個並不震撼, 到此一遊便算了. 無論去到邊度日本嘅食物都唔會令你失望, 尤其係溫泉料理, 無論朝食與汐食都咁樣豐富和滋味, 食得勁開心, 滿意的一天。

今朝天未光就出發, 仲見到月亮.

帶埋腳架到祖谷藤蔓橋, 可以慢快門拍攝藤蔓橋.

未有遊人的祖谷藤蔓橋任影唔嬲, 感覺超爽.

慢快門拍攝琵琶の滝, 份外優美.

返回酒店再玩下天空露天風呂, 超無敵嘅享受.

浸完溫泉到餐廳吃溫泉早餐, 有巨型祖谷藤蔓橋做背景, 好有feel.

非常豐富嘅溫泉早餐都有牛肉, 夠滋味.

茉茶奶凍 - 軟滑香甜.

Check-out 酒店再到大步危駅一遊.

大步危駅嘅櫻花樹開得真係好靚.

滿開的櫻花樹值得一睇再睇.

之後由德島縣駕車至香川縣琴平町的金刀比羅宮, 行車大約1小時. 金刀比羅宮建於象頭山, 是金刀比羅神社的總本山, 每年來訪的參拜客多達400萬人, 主祭神為大物主神, 自中世紀前起就是家喻戶曉的海上交通守護神, 也是保佑五穀豐收和產業文化興盛的神明.

從門前町到御本町有長長石階梯連接, 階數多達785階之多, 請懷著滿心的祈願一步步拾級而上, 至後院的合計階梯數為1368階. 

表參道上除了商店,餐廳外, 也有旅館民宿.

第一個鳥居, 加油繼續上.

沿著琴平之階梯行, 路上有很多櫻花與桃花.

滿開的櫻花.

行至大門入口前有茶水檔, 可以坐下休息, 喝了一杯冇酒精的金刀比羅名物甘酒(300円), 香甜醒神.

金刀比羅宮大門, 已行了第365級.

櫻馬場 - 櫻花襯托下的鳥居.

到了神馬社(第477級), 穿過櫻馬場西詰銅鳥居.

表書院.

太太在神椿咖啡廳內飲茶及休息.

我繼續上路.

旭社(第628級).

到了賢木門, 行至御本宮參拜之路.

行上御前四段坂, 終於完成了(第785級), 到達御本宮.

御本宮 - 很多善信排隊參拜.

在御本宮四周逛一逛.

 三穂津姫神社.

金刀比羅宮神馬像.

御本宮展望台 - 視野開揚, 遠眺香川縣琴平町一帶.

參觀完御本宮, 回程.

櫻馬場神馬像.

櫻馬場西詰銅鳥居

櫻馬場鳥居

金刀比羅宮大門.

琴平之階梯.

金刀比羅宮表參道.

到吉田家吃午餐, 主打金刀比羅饂飩, 即烏冬也.

安排坐榻榻米檯.

窩燒饂飩(1,500円) - 金刀比羅饂飩, 傳統的味道.

牛肉湯饂飩(1,300円) - 湯烏冬好味道.

步行回等停車場, 泊車費500円.

跟著到丸龜市的丸龜城, 行車半小時.

由三の丸行到二の丸的月見櫓跡和姫櫓跡, 展望台視野廣闊.

丸龜城天守閣.

丸龜城紀念品商店, 土特產唔係咁吸引, 蓋章仲要收費.

呢個小食檔幾特別.

尾站到琴平町的琴平花壇旅館.

旅館走廊窗外有園林景色.

酒店Lobby.

旅館的高架走廊, 外望金刀比羅宮神事場, 景色非常震撼.

旅館有私人櫻花樹, 正在滿開.

旅館除了有櫻花樹外, 還有個造工精細的私家庭園.

旅館地圖 - 資料非常詳盡.

旅館鄰近金刀比羅宮, 位置非常好, 旅館房間超大超舒適, 飯廳外仲有露台, 窗外環境超無敵, 一泊兩食收費HK$2,077.54.

溫泉旅館必有茶點奉客, 夠貼心.

到溫泉展望大浴場浸一浸.

浸完溫泉飲番枝牛奶(170円), 是常識吧.

到餐廳吃溫泉晚餐, 先付 - 五款前菜包括有茉茶豆腐, 魚片, 田舍煮魚仔, 茉茶蛋餅, 蒟篛沙律. 

刺身三點 - 魷魚, 𩶘魚和油甘魚, 超鮮甜.

吸物 - 魚湯魚糕.

燒鱒魚 - 香鮮嫩口.

鴨肉陶阪燒 - 別有風味.

蓋物 - 筍饅頭, 入口鮮嫩甜美.

漬物, 白飯, 味噌汁.

糖果蛋糕配士多啤梨奶凍 -  金刀比羅在地飲食文化的創意甜點, 配合視覺味覺與食感樂趣的甜點, 完美晚餐的句號.

旅館的私家園林造景, 夜景也很充滿日式氛圍.

下著雨未能外出, 在琴平花壇旅館門口影下相, 影完返房大覺瞓.