日本京都紅葉21天自駕遊(2024) - Day 15 (水の京都-滋賀縣/宇治市)

Day 15 :  白鬚神社(湖中大鳥居日出) - The Gran Resort Oumi Maiko(溫泉早餐) - 教林坊(湖東三山) - 近江八幡休息站(午餐) - 百濟寺(湖東三山) - 平等院鳳凰堂(夜間特別參觀) - 京鴨kitchen善(京都鴨肉壽喜膳)

Day 15 : 今日行程首先就再去返白鬚神社睇湖中大鳥居日出, 今日非常好天氣可以見到太陽慢慢走出嚟真係勁開心, 跟住就主要遊覽滋賀琵琶湖 (湖東三山)嘅教林坊同百濟寺, 滋賀睇紅葉環境優靜同人流冇咁多, 可以舒服到慢慢欣賞. 夜晚就去參觀宇治市平等院鳳凰堂嘅最後一日夜間特別參觀和夜楓, 要特別安排臨時改動住宇治市一晚, 國寶級嘅世界文化遺產平等院鳳凰堂真係建築得好莊嚴宏偉, 配合埋夜燈紅葉加倒影的碓係令人 驚嘆的絕境, 難得一見. 今日有依然豐富嘅溫泉早餐, 中午就去近江八幡市嘅休息站入面食咗好好味嘅炸豬扒飯同近江牛肉烏冬, 夜晚到宇治市更加食埋京都鴨肉壽喜燒,鴨肉餃子同咖哩鴨肉飯, 既好味又有與別不同嘅驚喜, 精釆滿足又開心的一天!

清早天未光起身, 駕車17分鐘到琵琶湖畔的白鬚神社, 今朝天清氣朗, 四野無雲, 心情愉快下向著湖中大鳥居等候晨光第一線.

看著太陽緩緩升起, 心境由平靜到興奮, 感覺幸福.

返回酒店吃傳統的溫泉早餐, 豐富又好味.

The Gran Resort Oumi Maiko check-out 酒店, 開始今日紅葉之旅.

駕車1小時8分鐘到達近江八幡賞楓名所的第一站(湖東三山)教林坊.

由停車場步行至入口處已滿佈盛開的紅葉, 令人讚嘆, 參觀費每人500円.

位於近江八幡市的教林坊, 絕對是滋賀賞楓大熱門首選, 近200株的楓葉紅樹, 教林坊建在山林裡, 所以要爬一點山路, 入口處備有長短兩種尺寸的登山杖可以免費使用.

近200株的楓葉紅樹美絕, 加上綠色青苔的石頭點綴, 日式木造老宅, 營造出侘寂寧靜的風格, 每個角度都會是一幅絕景構圖.

 

太太已完成的水彩畫作品.

相當火紅的秋季紅葉.

遊覽完畢後駕車到附近的近江八幡休息站揾食, 三個商場都有哈不同食肆.

炸豬扒定食(1,380円) - 炸豬扒非常優質, 外脆內嫩肉汁豐盈超級美味.

近江牛肉烏冬定食(1,380円) - 近江牛肉軟腍甘香, 烏冬配梅子飯夠晒滿足.

 

下一站到附近亦是湖東三山之一的百濟寺, 參觀費每人600円.

百濟寺位於滋賀縣近江八幡市, 由聖德太子創建, 該寺的面積有約20個甲子園那麼大, 現時3000棵紅葉樹已經見頃, 鮮紅黃的顏色配合寺廟及佛像, 構成漂亮的風景. 表門就有著百濟寺在網路上最爆紅的落葉表參道.

先行本坊庭園, 百濟寺城跡配合秋季紅葉襯托和水池倒影, 美絕.

紅葉地氈.

山上的紅葉景色亦很精釆.

仁王門的過百級石階已令我卻步, 影佐當去佐, 因為要保留體力才可以繼續餘下京都賞楓之旅. 

遊覽完畢就駕車1小時到達京都宇治市, check-in 酒店後立刻步行10分鐘到宇治平等院.

宇治平等院表門前已可以觀賞夜楓.  

平等院鳳凰堂(夜間特別參觀), 今年祗在11月16~12月1日逢星期六及日舉行, 出發前已在網上預訂了今晚(最後一日)首輪時段6:00pm, 參觀費每人1,500円.

平等院鳳凰堂是著名世界文化遺產, 亦是日本高度歷史價值的國寶, 每年秋季還會舉辦特別的夜間參觀活動, 今年主題是"瑞光照歡錦秋之燈"代表紅葉彩燈照鳳凰堂. 庭園和鳳翔館也會向公眾開放, 夜燈紅葉加阿字池倒影確係令人讚嘆的美麗畫面.

日本國寶的平等院, 這裏不僅是10日元硬幣上的圖案, 每年秋季還會舉辦特別的夜間參觀活動, 今年主題是"瑞光照歡錦秋之燈"代表紅葉彩燈照鳳凰堂. 鳳凰堂是著名世界文化遺產, 庭園和鳳翔館也會向公眾開放.

沿路紅葉見頃, 順路參觀了鐘樓和鳳凰堂背面, 屋頂上有著一對鳳凰.

遊覽完畢揾野食, 原來大部份食店已關門或者爆滿, 最後在平等院表參道上揾到一間京鴨kitchen善(Kyogamo Kitchen Zen).

店主知道我們吃京都鴨肉壽喜膳, 安排我們在餐廳後園房間內用膳, 有包場的感覺.

京都鴨肉壽喜膳(2,000円) - 新鮮京都鴨肉ShabuShabu都係第一次吃, 鴨肉腍嫩有肉香, 正斗.

 

特制京都鴨肉末咖喱飯(1,200円) - 咖喱免治鴨肉香甜惹味. 

煎京都鴨餃子(600円) - 香脆好味, 與別不同.

 

步行返回酒店宇治Hotel Trend JR Uji Ekimae, 房間細小, 但位置超無敵, 鄰近JR宇治駅, 步行到宇治平等院祗需10分鐘, 係夜間特別參觀平等院的好選擇, 1晚住宿連泊車加早餐收費16,380円超抵.