日本京都紅葉21天自駕遊(2024) - Day 19 ( 京都市 )

Day 19 :  Mystays(自助早餐) - 西本願寺(逆さ銀杏)  - 北野天滿宮(楓葉苑) - 鯛魚飯槇(鯛魚飯午餐) - 鴨川三角洲 - 錦市場 - 天下鳥(串燒晚餐)

 

Day 19 : 今日繼續京都紅葉之旅, 開始要食九宮格嘅自助早餐, 影咗咁多紅葉今朝食完早餐第一站去西本願寺影下黃葉(逆向銀杏), 西本願寺本身而係日本國寶同埋世界文化遺產, 建築莊嚴有氣勢, 金光奪目嘅逆向銀杏生長得非常茂盛同好有生命力, 不愧係京都銀杏名所. 睇完黃葉就去北野天滿宮遊覽, 天滿宮入面嘅楓葉園有超過350棵楓樹, 紅葉轉成一片鮮紅色真係好夢幻嘅色彩, 入場費仲包埋泡茶同甜點都幾窩心, 晏晝就去附近食鯛魚飯, 呢個係四個愛媛縣時已食過, 今次揀三倍份量嘅鯛魚刺身, 配合多種食法真係滋味滿足, 原來配搭冷蕎麥麵又別有一番風味,  行咗兩間寺跟住就去鴨川三角洲hea下, 呢個地方好特別, 係鴨川同高野川嘅交匯處, 擁有多元嘅自然景觀, 在這裡非常悠閒地散步十分寫意,  尾站就行去錦市場，市場內真係超好多店鋪賣地道小食, 食咗燒附子魷魚都幾好味, 仲有好多款式嘅京漬物, 真係大開眼戒. 轉到行寺町通嘅寺町京極商店街, 喺入面的店舖買咗個印章同聖誕卡, 地方太大一晚係行唔晒, 跟住行返酒店附近搵嘢食, 今晚就食天下鳥串燒, 日本串燒真係美味至極, 食咗好多美味串燒, 食到唔停口都係六千零円喺香港價錢一半, 性價比超高嘅串燒晚餐, 真正係豐收滿足嘅一日旅程！

酒店自助早餐, 選擇多味道好, 各適其適.

睇佐成咁多日紅葉, 今朝第一站先去睇黃葉(銀杏), 京都銀杏名所是已列入世界文化遺產的西本願寺, 免入場費和泊車費.

西本願寺的唐門, 御影堂透過簷廊與阿彌陀堂相連.

當你踏入寺時, 會瞬間被眼前的景象震撼到, 整棵逆向銀杏金黃得發光, 御影堂前的銀杏樹的生長方向與一般銀杏樹相反, 樹枝像根鬢一樣向外擴散, 巨型的樹冠像一把金色巨傘籠罩著阿彌陀堂前庭, 呈現出400年古銀杏配合唐風建築的絕美秋色.

金色的銀杏雨飄落在地上,  金色浪漫充滿詩意.

太太剛完成的水彩畫作品.

龍の手水舍 Chozuya - 石製洗手台, 也稱之鬼之洗手鉢.

小孩子遊學團.

順光逆光下的銀杏葉.

連泊車場都紅葉黃葉配搭景色.

第二站到北野天滿宮遊覽, 位於京都府京都市中心北部, 創建於西元947年, 是一座擁有1000多年歷史的古老神社, 也是全國12000多間天滿宮, 天神社的總本社.

經過北野天滿宮樓門進入三光門, 三光門是被指定的重要文化財產, 三光指的是太陽, 月亮和星辰. 在三光門的樑柱上只雕刻著太陽和月亮, 卻唯獨沒有星星. 據說之所以沒有雕刻星星, 是因為從皇宮的大極殿看北野時, 北極星正好在三光門的上方閃耀, 所以有了北極星照耀的三光門才算完美.

北野天滿宮是一座以供奉學問和藝能之神而聞名的神社

十一面觀世音菩薩.

今次來北野天滿宮的主要目的是欣賞紅葉, 所以到楓葉苑(もみじ苑),  秋季限定入場費每人1,200円.

園內約有350株楓樹, 被秋葉染成一片深紅色的楓葉苑.

秋季紅葉見頃時是最佳觀賞期, 讓整個紅葉苑成為充滿夢幻色彩的世界.

紅葉苑內也可以看見被指定為國寶的御本殿.

順著紅葉之路而行到達下層的御土居.

紅葉襯托下的鶯橋特別優雅美麗.

欣賞到非常豐盛的紅葉, 真係不枉此行.

尾站到紅葉苑茶店, 入場費已包括泡茶和甜點, 在茶店內品嘗同時又可以稍作休息, 很窩心.

選了在附近的鯛魚飯槇吃午餐.

三倍鯛魚刺身定食2,800円, 在四國愛媛縣時已吃過, 鯛魚刺身鮮甜嫩滑, 刺身+蛋黃+醬油+山葵伴飯, 三倍份量超豐富, 多款食法大滿足.

鯛魚蕎麥麵鯛魚飯定食 2,750円, 同樣是招牌名物, 鯛魚飯加配鯛魚冷蕎麥麵, 鹽味鯛魚凍湯底清爽鮮味, 伴冷蕎麥麵吃很正斗.

午餐後到京都市一間文具店逛一逛, 買了醬油瓶(990円).

街上很有特式而又歷史悠久的古老建築物.

跟住到鴨川三角洲遊覽, 鴨川三角洲是鴨川與高野川交匯處的三角洲, 是鴨川沿岸觀光的必去景點, 這個拍照點能很好拍到西邊的鴨川和東邊的高野川之間的和諧感.

這一帶擁有豐富多元的自然景觀, 是市民及遊客休閒玩樂的好去處, 在這裡一邊欣賞風景, 一邊散步或停下來休息都很愜意. 

最後返回酒店泊車, 然後步行到錦市場, 市場內勁多地道小食店舖.

在市場內的鮮魚山庄吃燒附子魷魚(500円), 鮮香好味.

京都錦市場當然有京都的名物京漬物, 款式超多, 目不暇給.

由錦市場轉到寺町通, 在寺町京極商店街的田丸印房買了印章(330円) 和大垣書店買了聖誕卡(242円). 

步行返回四條河原町酒店附件揾野食.

 

很精緻的煨番薯車.

今晚在天下鳥吃為串燒晚餐.

燒雞翼(275円), 燒雞肉大蔥串(275円)

燒免治雞肉棒(264円)

雞肉丸煱(748円) - 湯底清甜, 雞肉丸鮮嫩, 正斗.

燒豬肉金菇串(253円), 燒五花腩(275円), 味噌燒雞柳(264円) 

燒賀茂茄子(540円)

燒露筍豬肉串(253円), 燒銀杏(220円) 

燒鵪鶉蛋(242円),燒冬菇(242円),燒青椒(220円)

天下鳥的串燒非常香脆好味, 食材優質廚藝精湛, 火候恰到好處, 高水準的串燒晚餐, 結尾來個燒飯團(396円)配燒蕃茄豬肉串(253円), 夠晒滿足. 連前菜飲品合共6,743円, 性價比超高的串燒晚餐. 

吃飽返酒店沖涼大覺瞓.