日本京都紅葉21天自駕遊(2024) - Day 16 ( 宇治市 / 滋賀縣 / 京都市 )

Day 16 :  宇治Hotel Trend JR Uji Ekimae(便檔早餐) - 平等院鳳凰堂 - 湖南三山(長寿寺 / 常樂寺) - 琵琶湖大津SA(午餐) - 八坂神社 - 花見小路 - 祇園白川 - Kikusui菊水餐廳(西式晚餐) - 京都四條通 - 祗園商店街 - 八坂神社(夜遊)

Day 16 : 今日繼續遊覽世界文化遺產宇治平等院鳳凰堂, 日頭睇嘅同夜晚睇嘅真係唔同, 日頭參觀見到裝潢宏偉嘅建築外觀, 配合日本松與紅葉和天空之鏡倒影, 仲有一對展翅鳳凰金光閃耀栩栩如生, 精釆美絕, 再行埋平等院表參道嘆吓抹茶甜品同買抹茶產品真係夠晒完美, 然後就即刻返回滋賀琵琶湖, 去湖南三山嘅長壽寺和常樂寺, 長壽寺嘅紅色(紅葉)隧道和黃色(銀杏)地氈同框景色真係令人驚嘆, 常樂寺紅葉見頃嘅散步道和國寶三重塔的建築雕刻工藝同樣不能錯過, 湖南三山地方不大人流又少所以遊覽得好舒服同開心, 最後下午終於到達紅葉之旅的尾站京都市, 先住兩晚舒適的溫泉酒店, 位置非常方便, 鄰近八坂神社, 去祇園商店街, 花見小路和祇園百川 都很方便. 早餐嘅便當就真係好唔掂, 好彩有抹茶甜品補數, 晏晝喺中途站都食到好好味嘅湯烏冬同吞拿魚腩蓉三文魚子飯, 夜晚到京都四條仲食到高水準又好味道嘅傳統西餐, 非常精釆又滿足的一天！

Hotel Trend JR Uji Ekimae - 超大份量的便檔早餐, 可惜味道一般.

第一時間步行到平等院, 平等院表參道入口.

夢浮橋広場和宇治橋.

平等院表門前有滿開的紅葉與銀杏樹, 紅黃色互相煇映.

平等院表門, 早上剛開門(8:40am)人流不多, 參觀費每人700円.

平等院鳳凰堂是著名世界文化遺產, 亦是日本高度歷史價值的國寶,  最初以供奉阿彌陀如來而命名的"阿彌陀堂", 阿彌陀如來端坐於鳳凰堂蓮花造型的台座上, 幾乎已有千年歷史. 從正面觀看建築外觀彷彿展翅的鳥, 屋頂上更矗立著一對金鳳凰, 因此改名為"鳳凰堂", 配合阿字池天空之鏡倒影, 精釆美絕.

在庭園內取景, 配合日本松與紅葉作相框, 構成一幅幅優雅的圖片.

鳳凰堂不僅是10日元硬幣上的圖案, 屋頂上有著一對展翅鳳凰栩栩如生, 順光逆光也金光閃耀, 非常吸睛.

見頃的紅葉特寫.

參觀約1小時後離開, 剛開始有人潮進入.

在橘橋前有一棵滿開的楓樹, 超靚.

平等院表參道上有多間百老店的宇治抹茶舖.

在伊藤久右衛門買了一袋綠茶葉(549円).

想到抹茶人氣店中村藤吉平等院店吃經典的抹茶食品, 但已爆滿, 最後衹能在門外欣賞宇治川和宇治公園景色. 

到鄰近JR宇治駅的中村藤吉本店逛一逛, 同樣地堂食已爆滿, 真不愧為抹茶人氣店.

返回平等院表參道揾食, 來到宇治必定要品嚐抹茶美食, 最後選了茶寮伊藤軒.

串和菓子(500円), 丸梅(麻薯), 雪華(寒天), 扇(羊羹), 雪球(薯蕷饅頭)賣相精美, 四款口味各有唔用同口感, 見到都開心.

Matcha Latte (500円) - 香濃抹茶配搭濃厚滑溜的鮮奶, 非常好飲.

然後在駿河屋買了一份和菓子(400円), 栗子糕, 紅豆糕, 抹茶羊羹和麻糬丸子, 軟糯甜美.

平等院表參道口的永樂屋, 在京都至今為第十四代, 400年間持續著營業, 日本最古老的棉布商, 復刻了自明治時代起至昭和初期所製作的布手巾,  還有現今店主所發表的新花樣等布手巾等, 備有200種以上的商品.

宇治Hotel Trend JR Uji Ekimae, 酒店房間細小, 但位置超無敵, 鄰近JR宇治駅, 步行到宇治平等院祗需10分鐘, 係朝早和夜間參觀平等院的好選擇.

Check-out 後駕車40分鐘到達滋賀縣湖南三山的長寿寺, 位於湖南市的天台宗古剎"常樂寺";"長壽寺"和"善水寺", 統稱為湖南三山. 三座寺院的創建年份均可追溯到奈良時代, 秋日楓葉絢爛季節, 停車場處已紅葉見頃. 

阿星山山門通往日本國寶正殿的200公尺參拜道上, 楓葉盡染, 宛若一條楓葉隧道, 長寿寺參觀費每人600円.

庭園地上黃色銀杏葉和楓樹上火紅色的紅葉互相輝映, 燦爛優美的一刻, 令人讚嘆.

正殿.

白山神社拝殿(湖南市東寺).

長寿寺弁天堂.

鐘樓.

燦爛奪目的秋季紅葉.







跟住幾分鐘車程到另一楓葉勝地, 湖南三山的常樂寺, 常樂寺佔地不大, 景點集中, 參觀費每人600円.

常樂寺寺內風光的散步道, 可盡享楓葉掩映下宏偉的本堂.

散步道內紅葉見頃, 寧靜環境令人心情輕鬆又舒暢.

登上石階到三重塔遊覽, 欣賞日本國家指定重要文化財產的建築, 雕刻, 繪畫和工藝.

遊覽完畢離開滋賀縣向京都市出發, 行車35分鐘途中順路到琵琶湖大津SA吃午餐.

琵琶湖大津SA, 休息站地面售賣大量滋賀縣琵琶湖土特產.

二樓有多間食店, 各適其適.

近江雞九條蔥烏冬(980円) - 九條蔥香甜惹味, 近江雞肉爽滑彈牙, 好味道.

吞那魚腩蓉三文魚子月見丼(1,680円) - 吞那魚腩蓉甘香肥美, 三文魚子鹹香鮮味, 雞蛋黃流芯滑溜, 美味的組合.

午餐後駕車30分鐘到料理旅館花樂, 位置就在八坂神社後方, 鄰近祗園商店街和花見小路出入超方便, 房間寬敞, 光猛整潔, 2晚住宿連早餐收費60,004円, 另外門前可泊車收費4,800円.

小形茶几可以一邊泡抹茶一邊欣賞窗外景觀.

Check-in 後外出漫遊京都市, 沿下河原通經過八坂神社石鳥居.

八坂神社舞殿.

能舞台神社.

八坂神社西樓門.

祗園商店街 - 這裡是從祇園四條站前往八坂神社的必經之路，兩旁林立著各式各樣的商店, 包括販售伴手禮的老店, 茶屋, 餐廳及日式點心店等.

沿路到花見小路遊覽, 花見小路是京都有名的花街, 可以看到很多古色古香的日式建築, 算是觀光客到京都必去的景點之 .

京都祇園白川河沿岸, 櫻柳成蔭的長200M的石板小路兩側的傳統老街, 高級料亭茶屋間可見京都藝妓和舞妓姍姍而行, 祇園白川巽橋附近秋天紅葉美不勝收.

沿四條通步行至鴨川一帶遊覽, 在Kikusui菊水餐廳吃西式晚餐.

餐廳提供傳統法式西餐.

沙律 - 清爽開胃菜.

磨菇清湯 - 清香好味.

烤西冷牛扒(3,410円) - 肉質軟嫩多汁, 高質素.

燴牛脷(3,190円) - 牛脷甘香軟腍肥美, 醬汁香濃美味, 高水準.

雪糕新地 - 非常傳統的忌廉雜果伴雲妮拿雪糕, 香甜美味滿足的甜品, 完美一餐的句號.

晚飯後漫步京都四條通, 壹錢洋食本店.

南座是京都四條鴨川旁的老牌劇場, 有超過400年歷史, 是日本最具代表性的歌舞伎劇場之一, 建築外觀很有傳統味, 晚上點燈後特別漂亮.

到達四條大橋, 可以欣賞鴨川夜景.

步行返回祗園商店街.

越夜越繁忙的祗園商店街.

八坂神社西樓門.

西樓門手水舍.

八坂神社南樓門.

八坂神社舞殿.

北向蛭子社.

疫神社.

想唔到八坂神社內, 晚上有好多小攤販擺賣, 非常熱鬧.

下河原通上的高級食肆.

古式古香的建築, KOTOWA 京都中村樓, 原來是婚禮場地.

返回料理旅館花樂, 酒店大堂.

作為料理旅館, 膳食當然高級數, 賣相很吸引, 可惜已吃飽晚餐, 到大浴場浸浸後便大覺瞓!