2011年4月22日 星期五

釜山3天自由遊2011 (Day 1)

今個復活節4日假期, 揀左再去韓國斧山hea吓. 零晨機去晚機返晚玩足3日, 返黎仲有1日休息. 之前去過斧山嘅札嘎其市場食左隻2.5kgs嘅亞拉斯加大蟹, 滋味無窮又平靚正, 今次一定要再去回味一番. 入住嘅酒店揀左喺海雲台, 風景靚絕, 又長又大嘅沙灘同180度無敵大海景盡入眼廉, 仲有露天溫泉真係正到痺. 今次食左好多韓國地道食物同海產, 雖然韓環滙率比2年前高左廿幾個巴仙, HK$1=W$135, 但計落都算平靚正.




Day 1  香港 - 韓國釜山 - 札嘎其市場 - 海雲台 - 海雲台市場



 大韓飛機餐 - 宵夜都有煮牛肉, 味道唔錯.



  


去到韓國朝早六點幾, 第一時間飛的去酒店瞓一覺先.






Rivera Hotel(HK$564.00, 網上book) - 喺海雲台中心區, 有露台, 舒舒服服咁大覺瞓. 瞓醒12點就check-out去Paradise Hotel, 點知仲未可以 check-in, 於事放底行理去食午飯先.


  


飛的去第一站札嘎其市場(車費 W21,000), 環境依舊光猛潔淨.



   


好多海鮮檔, 不過大多數賣長腳蟹, 全場賣亞拉斯加蟹嘅衹得兩檔, 要成W80,000 1kg.


  


最後終於喺度買左隻2.5 kgs 重嘅亞拉斯加蟹(W200,000), 加多兩隻蠑螺(W10,000), 上2樓開餐.  









揀左海邊窗口位, 放低隻蟹同蠑螺比佢煮, 奉上泡菜比上次多, 邊食邊等.


 



大約廿分鍾, 蠑螺熟左切埋先上枱, 鮮味爽脆, 好正.





超巨形嘅亞拉斯加蟹, 隔水蒸足半粒鍾先熟.





   


今次並非原隻上, 有阿豬媽用刀斬件去殼起肉先上台, 食落好方便.




   



巨形嘅亞拉斯加蟹, 蟹膏超級甘香軟滑, 一截蟹腳肉足6吋長, 厚肉勁鮮甜, 爽口啖啖肉, 可遇不可求嘅人間極品.


  


食完行吓乾貨海味檔.


 



外邊仲落緊雨冇心機行, 行左去 Lotte 樂天百貨公司.





  


行左一陣坐低抖抖, 飲杯Mochaccino(W5,800).








斧山站地下街 - 經地下街去地鐵站搭地鐵返酒店.










釜山嘅地鐵網絡好完善, 覆蓋全釜山主要地方, 車站同車廂都好乾淨. 由南浦洞返海雲台車費W1,600超平, 不過要轉車同搭成30個站有D悶, 需時約50分鍾. 





Paradise Hotel(HK$2,330/night) - 返到酒店上房抖抖, 露台風景靚絕, 又長又大嘅海雲台沙灘同180度無敵大海景盡入眼廉.


 


抖左一陣就出去行吓海灘, 海灘盡頭就係碼頭同海鮮街, 好多海鮮餐廳.


  


跟住行吓海雲台市場, D雨開始停啦, 入邊店鋪都係主打海鮮, 下午先食完海鮮, 今晚要食返餐地道韓國菜.







揾左呢間叫新XX嘅地道韓國餐廳, 衹賣4樣野好簡單.


   



坐低用手指叫左個泡菜八爪魚窩, 多款泡菜都好特別, 尤其係中間嘅鹹魚醬, 用生魚醃製, 勁鹹鮮惹味.


 


泡菜八爪魚窩(W8,000) - 香鮮辣惹味, 越食越滋味.






食左一陣加埋個烏冬燜吓燜吓, 更加無敵滋味.




   



食完行返酒店唔洗5分鍾, 出露台睇吓夜景.







生果喺海雲台市場買, W6,900一箱有卅幾粒超抵, 粒粒都香甜多汁果味濃.






仲未眼瞓, 再出去揾宵夜食, 呢間係24小時經營嘅食店. 賣嘅係當地旅遊書都推介嘅必食名物"豚骨湯飯", 當然唔會放過佢啦.





店內環境光猛乾淨, 泡菜可自由添加.


   


泡菜中有兩撮麵, 原來係要黎餸豚骨湯架.



   


呢款用生蝦仔加生魚仔醃製嘅蝦醬, 勁鹹鮮.






豚肉豚骨湯(W6,500) - 湯底香滑濃唔油膩好好飲, 鈣質豐富感覺好有益, 加埋D麵一齊食係超好嘅配搭.


   


五層肉+豚骨湯飯(W8,500) - 五層肉甘香軟熟, 肉味濃郁香港食唔到, 勁正.




瀏覽人數 :

無料カウンター



1 則留言:

  1. Riveria Hotel房內的設施格局,比起Paradise Hotel遠很遠嗎?
    [版主回覆06/30/2012 10:01:37]PARADISE 係超五星...不過RIVERIA都乾淨企理, 地點方便, 一般商務酒店設施。

    回覆刪除

Related Posts Plugin for WordPress, Blogger...