留家廚房(飲茶)

位於灣仔的留家廚房是一間我們喜愛的米芝蓮粵菜食店, 性價比超高, 閒時我們都會專程到來飲茶吃午餐, 點心即叫即製, 精緻又美味, 小菜粉麵更加優質滋味, 多年來都保持高水準, 疫情期間今天來個快閃午餐, 感覺幸福.

店內環境整潔光猛, 當中3張圓形卡位最為舒適.

蜂巢芋角($30) - 酥化蜂巢造到外脆內軟, 芋蓉軟綿餡料惹味, 超高水準.

家鄉蒸粉果($28) - 皮薄餡多充滿家鄉風味.

三喜臨門帶子餃($30) - 祗在星期日供應, 賣相精緻, 餡料有蟹子芹菜粟米帶子及蝦肉, 味道正斗.

叉燒腸($38) - 軟滑粉皮包著大量叉燒和元茜, 口感豐富又好味.

煎蘿蔔糕($28) - 過年出售的蘿蔔糕一早已賣清, 但是在店內有供應, 餡料香口惹味, 蘿蔔清甜, 攤凍食更能突出蘿蔔香甜味. 

豬潤燒賣($30) - 黃沙豬潤軟熟甘香, 火喉非常精準, 豬肉燒賣配合薑汁勁鮮甜滋味.

留家煙燻雞($208) - 必食名物的招牌菜, 新鮮雞肉軟滑有彈性, 以香醇豉油滷汁及略作煙燻製成, 味道配合恰到好處, 非常和味, 新鮮雞潤更是甘香味美, 天下無敵.