日本京都紅葉21天自駕遊(2024) - Day 13 (水の京都-滋賀縣)

Day 13 :  京都嵐山比納里奧酒店(京朝食) - 瑠璃光院 - 八瀬紅葉小徑 - NamikiCafeMetasequoia (午餐) - 水杉林蔭大道/並木杉道 - 雞足寺(舊飯福寺) - Co-hachi 旬菜こはち(晚餐)

今日開始我哋嘅水の京都滋賀琵琶湖旅程, 去之前大清早已經先要到期待以久嘅琉璃光院遊覽, 因為個幾月前要預先網上預約, 而最佳時段是在早上, 漆黑桌面上紅葉倒影連埋窗外嘅紅橙黃綠葉堆砌出超夢幻嘅景致, 跟住就去滋賀高島市嘅水杉林蔭大道/並林杉道, 秋天時間陽光穿透橙黃色兩旁嘅杉木林真係好壯觀, 最後就到好少人介紹嘅隱蔽紅葉景點雞足寺, 石楷同山腰上都鋪滿紅葉, 一遍遍紅葉地氈真係難得一見. 今日嘅京朝食, 中午嘅豐富便當同埋夜晚嘅燒近光牛同海鮮shabu shabu 都係超優質好味道, 最後臨瞓前仲可以去酒店大浴場浸浸, 包埸嘅感覺真係好舒服, 愉快的一天.

酒店的京朝食會印埋菜單, 很有儀式感. 除了嵯峨野漬物, 手作豆腐, 吞那魚腩蓉和雞蛋與昨天一樣.

今朝改了燒池魚和腸仔奄列, 超好味道, 豐富又滿足.

吃飽早餐收拾行李check out, 駕車(約40分鐘)到八瀬的瑠璃光院, 在八瀬比叡山口駅旁的私人停車場泊車, 收費1,000円.

沿路步行已看見紅葉.

步行10分鐘後到達瑠璃光院, 在大門外已有人龍登記,  因為需提前預約才能入內參觀, 我們個半月前已在網上預約秋季的特別參拜期間開放參觀, 入場費每人1,000円.

瑠璃光院的名稱由來, 是因其四季的光影, 錦繡楓紅, 以及新綠,深綠, 青苔綠等夢幻色彩, 猶如琉璃色的淨土世界. 每年在春,夏, 秋的限定期間開放給民眾參觀. 尤其是"書院"和"琉璃之庭"如詩如畫的美景.

"書院"2樓的桌面紅葉倒影是主要打卡位, 幾乎所有遊客都是衝著這裡來, 所以需排隊輪侯才可拍攝每個角度.

工藝優雅的書院裡放著一張黑桌, 磨得光亮的桌面上, 倒映出的紅葉美得超不真實. 祗要將相機放在桌上就可以拍到夢幻絕景.

雖然遊客都有耐心安靜地輪流拍照, 但安排上祐齋亭就比較好.

跟住到"琉璃之庭"感受靜謐庭園的詩情畫意. 覆蓋著一片苔蘚地毯, 在苔蘚間蜿蜒著一道清澈的細流, 勾勒出優美的曲線, 靜靜流淌. 坐在書院1樓觀賞庭園, 彷彿時間都靜止了. 這裡展現了"閃耀琉璃色光輝的淨土世界"的世界觀.

每人會拿到1個小袋子, 裡面有寺院說明, 用於寫經的紙, 和刻有"琉璃光院"字樣的原子筆. 紙筆可以用來在書院2樓的"寫經處"描寫經文, 我就繼續欣賞見頃的紅葉.

供奉阿彌陀如來的"本堂"處可以求得御朱印.

原路返回"山露路之庭"順著石階離開, 建議選擇早上時段前來, 光線會比較好. 

步行到八瀬紅葉小徑, 一個位於八瀬比叡山口駅旁的祕景, 環境寧靜, 優雅而人.

離開八瀬駕車到滋賀縣高島市(行車1小時13分鐘), 先在牧野高原的餐廳Namiki Cafe Metasequoia 吃午餐.

餐廳提供兩款秋季限定午餐 - 帶骨香腸格仔餅拼蛋餅伴雞肉蔬菜沙律(1,600円) 和咖哩近江牛肉飯伴雞肉蔬菜沙律(1,800円), 材料豐富賣相精美, 配搭新奇又好味.

餐廳旁就是隱藏景點, 水杉林蔭大道(並木杉道 / Avenue of Metasequoia Trees / メタセコイア並木道), 全長2.5公里的水杉林蔭大道, 道路兩旁共種植了500棵呈圓錐形的水杉樹, 現在正值盛放時間, 陽光照射下金光燦爛奪目, 非常吸睛.

並木杉道隧道, 是日本街路樹百景之一, 秋季期間是個極具震撼的絕景.

駕車離開時, 發現有另一景點可以泊車, 停下來逛一逛, 遠眺紅橙黃色交織的楓葉山頭.

很壯觀的橙色水杉樹群.

幸運地途中又再遇上彩虹, 對上一次是在天橋立View Land山上遇過一截, 今次是一整條彩虹, 超開心. 

下一站(行車40分鐘)到滋賀長濱市的雞足寺(舊飯福寺), 於735年由僧人行基所創建的古寺.

寺廟的最佳部分不是寺廟本身, 而是通往寺廟的道路. 這條道路是用石頭鋪設的樓梯, 兩旁種有約200棵楓樹, 紅葉古木形成的紅葉隧道氣氛幽靜, 現時雖然未到最火紅的階段, 但由飄落的紅葉與周邊獨特的景物所交織而成的秋景色也極美麗.

紅葉地毯 - 深秋時滿地紅葉, 彷如地毯般舖在地上, 形成一個景致迷人的打卡位.

陽光穿透紅橙黃色交織的楓葉, 靚到爆炸非常立體的紅葉特寫, 令人賞心悅目. 所以一定要陽光普照日子和黃昏前便要到達.

遊覽完長濱市的雞足寺後, 到大津市堅田旳Co-hachi 旬菜こはち吃晚餐, 行車1.5小時, 到達時未到七時, 但天也黑齊.

餐牌圖文並茂, 供應多款地道日本料理.

燒近江牛肉飯定食(2,500円) - 甘香肥美的燒近江牛肉, 無敵的滋味.

海鮮涮涮煱定食(2,500円) - 優質地道海鮮有大蝦, 𩶘魚, 三文魚, 仲有雞肉和豬腩片, 加埋新鮮蔬菜, Shabu Shabu原汁原味, 豐富又正斗.

尾站到The Gran Resort Oumi Maiko check-in, 位於滋賀琵琶湖西邊的近江舞子, 鄰近白鬚神社(睇湖中大鳥居日出)和比叡山延暦寺, 方便明天旅程. 房間寬敞整潔, 2晚住宿連超正斗溫泉早餐和泊車收費43,758円, 性價比極高.

Check-in 後到大浴場包場浸浸, 仲有露天風呂, 超正超舒服, 浸完返房大覺瞓.